Peterburqda hüquq-mühafizə orqanları Azərbaycan Beynəlxalq Bankının törəmə qurumu olan “MBA-Moskva” bankının şöbəsində axtarış aparıb, xəbəri “Rossiyskaya qazeta” yayıb.
“MBA-Moskva”-nın mətbuat xidmətindən “RQ”yə verilən məlumata görə söhbət sənədlərin texniki müsadirəsindən gedir. “2012-ci ildə açılmış cinayət işinin fiqurantı olan bankın müştərilərindən biri barəsindən məhkəmə qərarı ilə sənədlər müsadirə olunub”, deyə mətbuat xidmətindən bildiriblər. “Saat 15.00-a olan məlumata görə, filial tam rejimdə işləyir”.
İlkin məlumata görə, axtarışı Sentralnı rayonu üzrə DİN İstintaq İdarəsinin əməkdaşları və DİN-in Peterburq və Leninqrad vilayəti üzrə Baş İdarəsinin İqtisadi Təhlükəsizlik İdarəsinin əməliyyatçıları həyata keçiriblər.
DİN bölgə Baş İdarəsinin mətbuat xidmətindən hələlik baş verənlərlə bağlı şərh vermirlər.
“MBA-Moskva” bankı 2002-ci ilin yanvar ayında Moskvada Azərbaycan hökumətinin dəstəyi ilə Azərbaycan Beynəlxalq Bankı tərəfindən təsis edilib. “MBA-Moskva” bankı Rusiyada MDB-dən xarici kapitalla ilk kredit-maliyyə müəssisəsidir. “MBA-Moskva”nın nizamnamə kapitalının 100%-i təsisçiyə aiddir. -0-
İqtisadiyyat
-
Azərbaycanın iqtisadiyyatı gələn illərdə də artımını davam etdirəcək, lakin ING Qrupu və Birləşmiş Millətlər Təşkilatının (BMT) proqnozları bərpa sürətinə dair bir qədər fərqli baxışlar təqdim edir. Niderlandın ən böyük bank qurumu olan ING Qrupu, Azərbaycanın Ümumi Daxili Məhsulunun (ÜDM) müsbət artımını proqnozlaşdırır, BMT isə daha optimist bir görünüş təklif edir.
-
Azərbaycanda taksi minik avtomobillərinin orta yaşı 15-dən 7-yə düşüb. Bu barədə Azərbaycan Yerüstü Nəqliyyat Agentliyinin (AYNA) yaydığı məlumatda bildirilir. Agentlik bunu "islahatların nəticəsi" kimi dəyərləndirib.
-
Qazaxıstan, İrana və Azərbaycana taxıl ixracını bərpa etməklə beynəlxalq taxıl bazarlarında mövqeyini möhkəmləndirib. Bu barədə ölkənin Kənd Təsərrüfatı Nazirliyi məlumat yayıb.
-
Son illərdə Azərbaycan səssizcə dinamik bir startap ekosistemi formalaşdırıb və bu ekosistem artıq beynəlxalq səviyyədə maraq doğurmağa başlayıb. Rəqəmsal təhsil platformalarından aqrotexnologiya sahəsindəki innovasiyalara qədər bu startaplar ölkənin texnologiya və sahibkarlığa artan marağını əks etdirir. Dövlət dəstəyi, beynəlxalq əməkdaşlıq və cəsarətli sahibkarlıq vizyonunun birləşməsi bir neçə Azərbaycan startapını qlobal səhnəyə çıxarıb.
Rəy yaz