ABB-də dövlətin payı 81,86%-ə çatıb

Bu ilin I yarısında «Azərbaycan Beynəlxalq Bankı» şirkətlər qrupunun gəlirləri 450 mln manata çatıb. Amma bank mülkiyyətçilərinin kapitalı 24,5% azalıb.

Bu ilin 6 ayında bank 215,8 mln manat ziyanla işləyib.

İlin əvvəlində bank səhmdarlarının 65,6 mln manat bölünməmiş mənfəəti vardısa, 30 iyun üçün bankın ziyanı 130,4 mln manata çatıb.

Bank 2015-ci ilin yanvar-iyunu üzrə maliyyə hesabatını açıqlayıb. Ona əsasən, verilən kredit həcmi 19% artaraq 9 mlrd 352,6 mln mana olub. Bankın aktivləri 30 iyun üçün 16,9% artaraq 10,7 mlrd manat olub.

Bu ilin I yarısında banjkın öhdəlikləri 20,2% artaraq 10 mlrd 235 mln manata çatıb.

Maraqlıdır ki, ilin əvvəlində ABB-nin kapitalında dövlətin payı 51,07% idisə, 30 iyun üçün 81,86%-ə çatıb. Bunun necə baş verdiyi açıqlanmır.

İyulda ABB-nin sağlamlaşdırılması və sonradan özəlləşdirilməsi haqqında sərəncam verilib. Bu məqsədlə bankın zərərli aktivlərinin «Aqrarkredit»ə verilməsi nəzərdə tutulub. Sentyabrda «Aqrarkredit» QBKT-nin 2 mlrd manat məbləğində istiqrazları yerləşdirilib. Bu qiymətli kağızları AMB alıb. ABB bəyan edib ki, dekabrın sonu üçün qalan 1 mlrd manat yerləşdiriləcək. 08B