Azərbaycanda avtomobil yollarında piyadaların təhlükəsiz hərəkətinə mane olan problemlərin aşkarlanması üzrə İnternet platforma yaradılıb. Bu gün “İnformasiya texnologiyaları və İnternet media” ictimai təşkilatı https://piyada.gsr.fm saytının təqdimatını keçirib. Onun vasitəsilə vətəndaşlar təhlükəsiz hərəkətə mane olan hallarla bağlı faktları platformaya ötürəcəklər.
Layihənin kordinatoru İlqar Mirzənin sözlərinə görə, paytaxt sakinlərinin qarşılaşdıqları piyada xətləri, piyada keçidləri, piyada işıqforlarları ilə bağlı problemləri foto, video və ya sadəcə məlumat kimi platformaya ötürmək imkanı əldə edəcək və bu məlumatlar “Piyada vaxtı” layihəsinin saytında xəritə üzərində toplanacaq.
Təşkilatçılar hesab edir ki, avtomobil yollarında piyadaların təhlükəsizliyi probleminə ictimai diqqət yol təhlükəsiziyinin təmin olunması üçün çox vacibdir. Hər il Bakının avtomobil yollarında yüzlərlə piyada həyatını itirir.
Maraqlıdır ki, dəvət edilsələr də, Nəqliyyat Nazirliyi və Ombudsman Aparatının nümayəndələri tədbirə gəlməmişdilər. --08C—
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz