Prezident İlham Əliyev.
Bakı/09.09.20/Turan: Prezident İlham Əliyev sentyabrın 9-da Azərbaycan Respublikasının İqtisadi Şurasının və Baş nazirin rəhbərlik etdiyi tərkibin yaradılması barədə fərman verib.
Yeni struktur postpandemiya dövründə ölkənin milli inkişaf prioritetlərini özündə əks etdirən sosial-iqtisadi inkişaf strategiyasının formalaşdırılması məqsədilə yaradılır.
İqtisadi Şuranın tərkibinə Prezidentin iki köməkçisi, Birinci vitse-prezidentin iki köməkçisi, Əmək və Əhalinin Sosial Müdafiəsi naziri, Mərkəzi Bankın sədri və Dövlət Neft Fondunun icraçı direktoru daxildir.
Eyni fərmanla 2016-cı ildə yaradılan AR Maliyyə Sabitliyi Şurası ləğv edilib.
Şuranın fəaliyyətinin təşkili məqsədilə Şuranın Katibliyi yaradılır. Katibliyin funksiyasının həyata keçirilməsi AMB-a tövsiyə edilib.
İqtisadi Şuraya fiskal, pul-kredit, həmçinin maliyyə-bank sektorlarında iqtisadi islahatlar və iqtisadi siyasət istiqamətləri ilə bağlı təkliflərini hazırlayıb dövlət başçısına təqdim etmək tapşırılıb.08D--
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz