"Qafqaz İnkişaf Bankı" ASC-nin 1,5 mln manatlıq səhmləri Bakı Fond Birjasında yerləşdirilib.
Nominalı 1 manat olan 40 mln adi sənədsiz adlı səhmin emissiyası ötən ilin dekabrında qeydiyyata alınıb. Birjanın məlumatına görə, bütün səhmlər üç əqd çərçivəsində (üç investor) satılıb. Anderrayter ""Chelsi Kapital" MMC-dir.
Bu günə elan edilən emissiyanın 99,25%-i (39,7 mln manat) yerləşdirilib. Beləliklə, ödənilmiş nizamnamə fondu 54,5 mln manata çatıb.
Bankın səhmdarları 1 hüquqi və 12 fiziki şəxsdir. Əvvəl bankın 10 səhmdarı vardı. 3 yeni səhmdarın gəlişindən sonra əsas səhmdar və bankın Müşahidə Şurasının sədri Eldar İsmayılovun payı 57,3%-dən 45,9%-ə düşüb. --15B—
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz