![Azərbaycan-Fransa iqtisadi komissiyasının 7-ci iclası keçirilib](https://turan.az/resized/750/500/resize/media/2013/main/112600059026.jpg)
Azərbaycan-Fransa iqtisadi komissiyasının 7-ci iclası keçirilib
Bu gün Bakıda Azərbaycan-Fransa iqtisadi komissiyasının 7-ci iclası keçirilib. İclasın sonunda imzalanan protokolda hökumət və özəl sektor səviyyəsində iki ölkə arasında ticarət-iqtisadi əlaqələrin genişlənməsi nəzərdə tutulur.
Azərbaycan Fransa şirkətləri ilə müxtəlif sahələrdə iqtisadi əlaqələrin dərinləşməsində maraqlıdır, deyə brifinqdə komissiyanın Azərbaycan Respublikası tərəfindən həmsədri maliyyə naziri Samir Şərifov bildirib. Onun sözlərinə görə, tərəflər yeni telekommunikasiya peykinin buraxılması üzrə ikinci kommersiya müqaviləsinin bağlanmasına yaxındırlar. Fransa şirkətləri Bakı Metropoliteninin modernləşməsi və inkişafı, “Azerbaijan Airlines” QSC-nin uçuşlarının təhlükəsizliyi layihələrində iştirak edir. Dəmir yolu infrastrukturunun yenilənməsi, Bakıda ekoloji layihələrin həyata keçirilməsində iştirak təklif edilib. Kənd təsərrüfatı sahəsində əməkdaşlıq potensialı var. Fransa enerji şirkətləri Avropaya qaz tədarükündə əlaqələrin genişlənməsini arzu edirlər. «Bu ilin 9 ayında Azərbaycanla Fransa arasında əmtəə dövriyyəsi $1,2 mlrd olub. Bu, ticari əlaqələrin potensialını əks etdirmir. Hökumət və özəl sahədə hazırlanan layihələr bu göstəricini artırmağa imkan verəcək», deyə S.Şərifov qeyd edib.
Fransanın xarici ticarət naziri Nikol Brik Fransanın Azərbaycanla iqtisadi əməkdaşlığı artırmaqda maraqlı olduğunu qeyd edib. Fransa şirkətləri su təchizatı, Gəncədə tramvay nəqliyyatı yaradılması, südçülük təsərrüfatı, süd məhsulları istehsalında iştirak etmək istəyir.
Azərbaycan-Fransa iqtisadi komissiyasının növbəti iclası gələn il olacaq. 08C
-
- İqtisadiyyat
- 26 Noyabr 2013 15:28
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz