- İqtisadiyyat
- 22 İyun 2015, 14:10
- 37
"Qazprom" Azərbaycanın qaz idxalı tələbatını ödəməyə hazırdır
“Qazprom” şirkəti Azərbaycanın lazım olan həcmdə qaz idxalında tələbatını ödəməyə hazırdır.
Bu barədə Sankt-Peterburq Beynəlxalq İqtisadi Forumu çərçivəsində SOCAR prezidenti Rövnəq Abdullayev ilə işgüzar görüşü zamanı “Qazprom” ASC-nin rəhbəri Aleksey Miller deyib. Görüş iştirakçıları energetika sahəsində qarşılıqlı əlaqələrin gələcək inkişafı məsələlərini müzakirə ediblər.
A.Miller deyib: “Azərbaycan iqtisadiyyatının və daxili qaz tələbatının artımı ilə əlaqədar olaraq, “Qazprom” ölkənin lazım olan həcmdə qaz idxalında tələbatını ödəməyə hazırdır”.
Hazırda “Qazprom” şirkətinin Azərbaycan qazı alması haqqında 14 oktyabr 2009-cu ildə imzalanan saziş var. SOCAR ilə “Qazprom” şirkəti arasında saziş qaz tədarükünü istənilən vaxt dayandırmaq və bərp etməyə imkan verir.
SOCAR-dakı mənbə Turan-a bildirib ki, Azərbaycanın RF-dən qaz almaq planı yoxdur. Azərbaycan 1 yanvar 2010-cu ildən Rusiyaya (Dağıstana) qaz verir, deyə o bildirib.
Bu dövrdə maksimal ixrac həcmi 2 mlrd m3 olub. 2013-cü ildə Azərbaycan Rusiyaya 1,35 mlrd m3, ötən il 0,21 mlrd m3 qaz ixrac edib.
Bu il SOCAR Rusiyaya qaz satmayıb.
Turan məlumatlı mənbələrdən öyrənib ki, Sankt-Peterburq Beynəlxalq İqtisadi Forumu çərçivəsində SOCAR prezidenti Rövnəq Abdullayev ilə “Qazprom” ASC-nin rəhbəri Aleksey Miller arasında görüşdə Dağıstana qaz ixracının bərpası da müzakirə olunub. Azərbaycan tərəfi hazırda ixracın bərpasına mane olan obyektiv səbəbləri göstərib.
“Qazprom” təmsilçiləri bəyan ediblər ki, Azərbaycana kömək etməyə hazırdırlar.
“Amma Rusiya tərəfi sonradan informasiyanı ona sərf edən şəkildə yayıb”, - deyə agentliyin müsahibi bildirib. –12А—
-
- İqtisadiyyat
- 22 İyun 2015 14:07
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz