SOCAR öz qazının "Türk axını" ilə ixracını istisna etməyib

Azərbaycan gələcəkdə öz yataqlarından əlavə qaz həcmlərinin tədarükü üçün Avropa ərazisində “Türk axını”nın qaz nəqli gücündən istifadə edə bilər, deyə SOCAR-ın (Azərbaycan Respublikası Dövlət Neft Şirkəti) sərmayələr və marketinq üzrə vitse-prezidenti Elşad Nəsirov jurnalistlərə deyib. Bu barədə RİA Novosti məlumat verir.

“Türk axını” ilə “Cənub Qaz Dəhlizi” rəqib layihə deyil. Çünki qaz həcmlərimiz 25 ilə satılıb, alıcılar onu qəbul etməlidirlər. Azərbaycanın gələcək nəsil yataqları üçün yeni boru kəmərləri lazımdır”, — deyə Nəsirov bildirib.

O həmçinin qeyd edib ki, “Türk axını”nın “Cənub Qaz Dəhlizi”ndən daha tez inşa ediləcəyi təqdirdə, heç bir problem yaratmayacaq. Ona görə ki, TAP inşa edilənə kimi alıcılarımız qazımızı qəbul etməlidirlər.

O, əlavə edib ki, "Abşeron", "Ümid", "Babək" kimi yataqlar gələcəkdə Azərbaycanda qaz hasilatını artırmağa imkan verəcək: “Ümid edirik ki, “Türk axını” inşa edilsə, əlbəttə ki, davamından istifadə edə biləcəyik. İki variantımız var: TANAP və TAP-ın genişləndirilməsi və ya Üçüncü Enerji Paketi çərçivəsində boruya çıxışdan istifadə etmək”.

“Türk axını” Rusiyadan türkiyə istiqamətində gücü 63 mlrd m3 qaz kəməri tikintisini nəzərdə tutur. 1100 km uzunluğunda kəmərin 4 qolu olacaq və Türkiyə sərhədinə 47 mlrd m3 qaz çatdıracaq.

Hesab olunur ki, Türkiyə-Yunanıstan sərhədində qaz xabı yaradılacaq, Aİ ölkələri qazı öz ərazisində qəbul etmək üçün müvafiq işlər görməlidir.—0—