Bu ilin 7 ayında $987 mln məbləğində qeyri-neft-qaz malları ixrac edilib. Bu, ötən ilin eyni dövründəkindən 0,4% azdır. Ənənəvi ixrac mallarının həcmi (çay, qənd, bitki yağı, qara metal və s) azalıb.
Gömrük Komitəsinin məlumatına görə, 2015-ci ilin yanvar-iyulunda Azərbaycanın xarici ticarət dövriyyəsi $12 mlrd 778 mln olub. Bu, ötən ilin eyni dövründəkindən 29,5% azdır. Xarici ticarət dövriyyəsinin saldosu ($2,1 mlrd) Azərbaycanın xeyrinədir.
Əmtəə ixracı ötən ilin eyni dövrünə nisbətən 43,6% azalıb və $7 mlrd 472,5 mln təşkil edib. İxracatda neft, neft məhsulları və qazın xüsusi çəkisi 86,8% olub. İxracatın 89,2%-i dövlət sektorunun payına düşür.
İlin əvvəlindən $5,3 mlrd məbləğində mal idxal edilib. Bu, ötən ilin eyni dövründəkindən 8,6% çoxdur. Bu il xaricdən qara metal, nəqliyyat vasitələri, mebel, dərman preparatlarının idxalı artıb.
Dövlət strukturları xaricdə $1 mlrd manat və idxalın 19,3%-i qədər mal alıb.
Fevralda manat devalvasiya ediləndə gözlənilən nəticələrdən biri kimi yerli istehsalın və ixrac potensialının artacağı göstərilirdi. 5 ay keçsə də, bu tendensiya müşahidə edilmir. --08D—
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz