Prezident İlham Əliyev martın 1-də “Qeyri-neft məhsullarının ixracının təşviqi istiqamətində əlavə tədbirlər haqqında” fərman imzalayıb.
Sənəd 2016-2020-ci illərdə respublikada istehsal olunan qeyri-neft məhsullarının ixracının təşviqi istiqamətində əlavə tədbirlərin həyata keçirilməsini nəzərdə tutur.
İxrac təşviqinin həcmi istehsal olunan və istehsal prosesində istifadə olunan yerli komponentlərin və ölkə ərazisində yaradılan qeyri-neft məhsullarının dəyərinin xüsusi çəkisindən, habelə ixrac olunan həmin məhsulların növündən asılı olacaq.
Ödəniləcək ixrac təşviqinin baza məbləği ixrac əməliyyatlarına görə faktiki ixrac olunmuş malın ixrac gömrük bəyannaməsində nəzərdə tutulan gömrük dəyərinin 3 faizini təşkil edəcək.
Nazirlər Kabinetinə tapşırılıb ki, qeyri-neft məhsullarının ixracı ilə məşğul olan şəxslərə ixrac təşviqinin ödənilməsi qaydalarını, ixrac təşviqi şamil olunacaq qeyri-neft məhsullarının xarici iqtisadi fəaliyyətin mal nomenklaturası üzrə siyahısını, həmçinin məhsulların növündən asılı olaraq ixrac təşviqinin baza məbləğinə tətbiq olunacaq əmsalları bir ay ərzində müəyyən etsin.
Fərman imzalandığı gündən qüvvəyə minib və 2020-ci il dekabrın 31-dək qüvvədə olacaq.
Qeyd edək ki, müxtəlif ölkələrdə ixracın birbaşa və ya dolayısı ilə təşviqi üzrə çoxsaylı təcrübə var. Azərbaycan ixracatçıların dolayısı ilə dəstəklənməsini seçib.
Ekspertlər qeyd edirlər ki, ixrac təşviqinin şamil olunacağı malların siyahısında Azərbaycanda hasilat sənayesi məhsulları, o cümlədən dəmir filizi və qızıl olmamalıdır. 08D
İqtisadiyyat
-
Azərbaycanda iki il əvvəl qəbul olunan, ötən ilin əvvəlində qüvvəyə minən və Venesiya Komissiyasının tənqid etdiyi "Siyasi partiyalar haqqında" yeni qanun öz təsirini göstərir. Dekabrın 4-də iki siyasi partiyanın - Azadlıq Partiyası və Azad Demokratlar Partiyasının məhkəmə yolu ilə fəaliyyəti dayandırılıb. Ədliyyə Nazirliyi məhkəməyə müraciətinin səbəbini bu iki partiyanın sənədlərində uyğunsuzluqların olmasını göstərib.
-
2024-cü ilin ilk on ayında Bakının ticarət dövriyyəsi ötən ilin eyni dövrü ilə müqayisədə 4,4% artaraq 28,2 milyard manat təşkil edib. Bu barədə Bakı Şəhər Statistika İdarəsi məlumat yayıb.
-
SOCAR və İtaliyanın Intesa Sanpaolo bankı arasında mühüm maliyyə əməkdaşlığı barədə razılaşma imzalanıb. Bu addım SOCAR-ın maliyyə imkanlarını gücləndirmək və yaşıl enerji sahəsindəki iddialı layihələri üçün resurs təmin etmək istiqamətində irəliləyiş kimi qiymətləndirilir.
-
2024-cü ilin ilk 11 ayında Azərbaycan turizm sektorunda güclü bir bərpa müşahidə edib. Dövlət Sərhəd Xidmətinin məlumatına əsasən, ölkəyə 2,41 milyon əcnəbi və vətəndaşlığı olmayan şəxs gəlib ki, bu da əvvəlki ilin eyni dövrü ilə müqayisədə 27,4% artım deməkdir. Bu artım Azərbaycanın turizm məkanı kimi artan cazibəsini, həmçinin mənbə bazarlarının müxtəlifləşdirilməsi və nəqliyyat infrastrukturunun təkmilləşdirilməsi ilə əlaqələndirilir.
Rəy yaz