Bu ilin 9 ayında Azərbaycanda bütün maliyyə mənbələrindən əsas kapitala 9,9 milyard manat və ya əvvəlki ilin müvafiq dövrünə nisbətən 27,4 faiz çox vəsait yönəldilib. Qeyri-neft sektoruna investisiyaların artım tempi investisiyaların ümumi artım tempindən 3,8% çoxdur.
Dövlətstatkoma görə, bu ilin 3 rübündə iqtisadiyyatın qeyri-neft sektoruna 7,3 mlrd manat vəsait qoyulub. Bu, 2011-ci ilin eyni dövründəkindən 31,2% çoxdur.
Əsas kapitala investisiyaların 79,4 faizi daxili mənbələr hesabına təmin edilib. Dövlət mülkiyyətli müəssisə və təşkilatlar tərəfindən əsas kapitala yönəldilmiş vəsait ümumi sərmayənin 60,9 faizini təşkil edib.
Dövlətstatkoma görə, sərmayələrin 44,1 faizi məhsul istehsalı, 55,9 faizi xidmət sahələri obyektlərinin inşasında istifadə olunub.
Bu il ümumi sahəsi 1197,8 min kvadrat metr olan yeni yaşayış evləri istismara verilib.
Azərbaycanda yerli mənbələrdən tikinti kompleksinə investisiya artımı dövlət büdcəsindən neft gəlirləri hesabına artan investisiyalar fonunda müşahidə edilir. Eyni zamanda, yerli investisiyalar leqal və qeyri-leqal şəkildə xaricə axır. Yerli və xarici KİV dəfələrlə hakim ailə və oliqarxların xarici ölkələrdə daşınmaz əmlaka vəsait qoyması barədə jurnalist araşdırmaları dərc edib. 08D
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz