Qiymətli kağızlar bazarında qanun pozuntularına görə 9000 manata qədər cərimə ödəniləcək

Azərbaycan Prezidenti İlham Əliyev İnzibati Xətalar Məcəlləsində dəyişikliklər edilməsi haqqında qanunu təsdiq edib. Qiymətli kağızlar bazarında investorların hüquqlarının pozulmasına və ya məhdudlaşdırılmasına görə maliyyə sanksiyalarının sərtləşdirilməsini nəzərdə tutan qanun 15 noyabrda qüvvəyə minir. 

Cəmi 16 maddədə dəyişiklik edilib. Əgər əvvəllər qiymətli kağızlar bazarında investorların hüquqlarının pozulmasına görə hüquqi şəxslər və vəzifəli şəxslər üçün sanksiya 300 manat idisə, indi 9 000 manata qaldırılır. Qiymətli Kağızlar üzrə Dövlət Komitəsində hesab edirlər ki, bu bazarda vəziyyətim yaxşılaşması ilə nəticələnəcək. Nümumə üçün deyək ki, əgər qiymətli kağızlar bazarında investorların hüquqlarının pozulmasına və ya qanunsuz olaraq hər hansı şəkildə məhdudlaşdırılması halları aşkarlansa, vəzifəli şəxslər dörd yüz manatdan altı yüz manatadək miqdarda, hüquqi şəxslər dörd min manatdan altı min manatadək miqdarda cərimə ediləcək. İndiyəcən cərimə məbləği vəzifəli şəxslər üçün 50-90 manat idi, hüquqi şəxslər üçün sanksiya nəzərdə tutulmurdu. Səhmdarların hüquqlarının pozulmasına görə cərimə vəzifəli şəxslər üçün 700 manat, səhmdarlar üçün 4000 manat təşkil edə bilər. Lotereyalar haqqında qanunvericiliyin pozulmasına görə maksimal cərimə əvvəllər 200 manat idi, indi 3000-9000 manata çata bilər.

2013-cü ilin 10 ayında QKDK-ya investor və səhmdarların hüquqlarının pozulması ilə bağlı 259 şikayət daxil olub. Bu, ötən ilin eyni dövründəkindən 29% çoxdur. Şikayətlər 429 SC-dəndir. Yanvar-oktyabrda investor və səhmdarların hüquqlarının pozulması ilə bağlı  140,4 min manat (+44%) məbləğində 518 sanksiya (+43%) verilib. 08D