Rusiya və Azərbaycan meyvə və tərəvəzlə bağlı gömrük nəzarətinin nəticələrinin qarşılıqlı tanınması üçün danışıqlar davam edir. RF baş naziri Dmitri Medvedev bu barədə sərəncam verib (http://government.ru/media/files/5ZzXsvfRToejuulpTjRjojriGTpm79Ai.pdf).
Gömrük prosedurları qaydaya salınsa, sahibkarların tranzaksiya xərcləri 2 dəfə azalacaq, nəticədə malın maya dəyəri ucuzlaşacaq. Söhbət Azərbaycandan Rusiyaya aparılan canlı ağac və bitkilər, onların hissələri, çiçək, göyərti, meyvə, tərəvəz, qoz, onlardan emal edilmiş məhsullar, müxtəlif qida məhsullarından gedir. Yeniliyə əsasən, əgər mallar Azərbaycan gömrükçüləri tərəfindən buraxılıbsa, o zaman Rusiya Gömrük Xidmətinin əməkdaşları bu mallara böyük diqqət yetirməyəcəklər.
RF ekspertləri hesab edir ki, Azərbaycan məhsulları Rusiya analoqlarından ucuzdur və ölkəmiz əlavə ərzaq mənbəyi ola bilər. --17D—
İqtisadiyyat
-
Şimali Makedoniya Prezidenti Gordana Silyanovska-Davkova Bakıya səfəri çərçivəsində Azərbaycan Dövlət Neft Şirkəti SOCAR və Şimali Makedoniyanın ECM şirkəti cümə axşamı əməkdaşlıq haqqında memorandum imzaladılar, Turan-a məlumatlı mənbə bildirdi.
-
Bugünlərdə Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində "Pambıqdan geyimə dəyər zəncirinin karbonsuzlaşdırılması və iqlimə uyğunlaşdırılması" mövzusunda müzakirələr keçirilib. Orada digər məsələlərlə yanaşı, Azərbaycanda pambıqçılığın vəziyyəti də müzakirə olunub.
-
Azərbaycan, inkişaf edən və inkişaf etmiş ölkələrdən, habelə azı 10 ölkənin dövlət və özəl sektor nümayəndələrindən, ümumi büdcəsi 1 milyard ABŞ dolları olan İqlim Maliyyə Fəaliyyət Fondu (CFAF) üzrə səhmdar kimi iştirakla bağlı əhəmiyyətli maraq cəlb edib. CFAF Azərbaycanın COP29-da təqdim etdiyi 14 əsas təşəbbüsdən biridir, bunu Azərbaycan Respublikasının COP29 üzrə baş danışıqlar aparıcısı və xarici işlər nazirinin müavini Yalçın Rəfiyev çərşənbə axşamı mətbuat konfransında bildirib.
-
Azərbaycan hökuməti OPEC Fonduna bir sıra bərpa olunan enerji layihələrinin, o cümlədən dəniz külək enerjisinin inkişafı, "yaşıl enerji dəhlizi" təşəbbüsləri və SOCAR-ın Birləşmiş Ərəb Əmirliklərindən Masdar şirkəti ilə birgə həyata keçirməyi planlaşdırdığı 1 QVt gücündə layihənin maliyyələşdirilməsində iştirak etməyi təklif edib.
Rəy yaz