Sabah 20-ci Beynəlxalq Telekommunikasiya və İnformasiya texnologiyaları sərgi və konfransı keçiriləcək

Dekabrın 2-də Bakı Ekspo Mərkəzində “Bakutel 2014” Azərbaycan Beynəlxalq Telekommunikasiya və İnformasiya texnologiyaları sərgi və konfransı keçiriləcək.

20-ci yubiley sərgisində 23 ölkədən 250 şirkət iştirak edir.  Foyedə Azərbaycan milli pavilyonunda Azərbaycan Respublikası Rabitə və Yüksək Texnologiyalar Nazirliyinin işi barədə geniş məlumat verilir. Burda Beynəlxalq Millətlər Təşkilatının pavilyonu da var.

İlk dəfə bakı sərgisində Beynəlxalq Telekommunikasiyalar İttifaqı (ITU) öz stendi ilə çıxış edir. ITU-nun stendi İttifaqın 150 illik yubileyinə həsr edilib.

20 ildə sərgidə 50 ölkədən 2000 şirkət və 100 mindən çox izləyici iştirak edib.

Bu il Böyük Britaniya, İsrail, İran, İtaliya, Kanada, Türkiyə, Estoniya və s. sərgidə innovasiya proqramı, məhsul və xidmət təqdimatı keçirəcək. Daimi iştirakçılar eksponentlərin 40%-dir.

Bu il sərgidə telekommunikasiya və şəbəkə, genişzolaqlı rabitə və texnologiyalar, kabel və naqilsiz rabitə, peyk rabitəsi və texnologiyaları, teleyayım avadanlıq və texnologiyaları, İT və ofis texnologiyalatı nümayiş etdiriləcək.

Sərgidə Azərbaycan dilində platformanın təqdimatı keçiriləcək. O, bir neçə dəqiqəyə öz saytını, istənilən qurğu üçün onlayn-TV, mobil telefonlar üçün TV-lərə baxmağa imkan verən əlavə, LED videostend yaratmağa imkan verir.

Sərgi günləri sərgisi çərçivəsində “Əşyalar İnterneti” mövzusunda konfrans və “e-Gov 3.0: innovativ çağırışlar, müasir trendlər və yeni imkanlar»” adlı beynəlxalq forumu keçiriləcək.

Bakutel çərçivəsində Azərbaycanda ilk «Qadınlar IT-də» «Femmes Digitales» ilk qadın klubu açılacaq. 08D