Sabah Milli Məclisin gündəliyində qazla bağlı iki məsələ var. Bu barədə MM-in saytı məlumat verir.
Belə ki, deputatlar Bakı ilə Ankaranın qaz sahəsində əməkdaşlığı üzrə iki hökumətlərarası sənədi müzakirə edərək qəbul edəcəklər.
Birinci sənədi Azərbaycan və Türkiyə hökumətləri 25 oktyabr 2011-ci ildə İzmirdə imzalayıblar və o, qonşu ölkəyə qaz satışı, eləcə də onun ərazisindən qaz tranzitini nəzərdə tutur.
26 iyun 2012-ci ildə İstanbulda imzalanan ikinci sənədə əsasən, Azərbaycan qazının Türkiyə ərazisində tranziti üçün Transanadolu qaz kəməri tikiləcək.
Qeyd edək ki, hə riki sənədi 6 noyabrda MM-in energetika, təbii ehtiyatlar və ekologiya komitəsi qəbul edib.
Xatırladaq ki, Türkiyə parlamenti bu sənədləri təsdiqləyib. --12В—
İqtisadiyyat
-
S&P Global Ratings Azərbaycanın bank sektorunun risk qiymətləndirməsini yenidən nəzərdən keçirərək, proqnozu "sabit"dən "müsbət"ə yüksəldib.
-
Ölkədə son günlər çörəyin bahalaşdığı deyilir. Sosial şəbəkələrdə yazılır ki, çörəyin qiymətlərində 5-10 qəpik artım var. Şikayətlərə görə, Azərbaycanda "zavod çörəyi" kimi tanınan çörəyin üstündə çəki barədə məlumat tapmaq çətindir. Yəni, bir çox hallarda bu növ çörəyin üstündə çəki barədə məlumat yazılmır. Ayrı-ayrı sexlərin təndirxanalarında bişən çörəklə də bağlı alıcıya çox vaxt qiymətdən başqa heç bir məlumat verilmir.
-
Rusiya, İran və Azərbaycanın xarici işlər nazirləri, nəqliyyat nazirləri, enerji nazirləri və gömrük xidmətlərinin rəhbərləri yaxın zamanda Rəşt-Astara dəmir yolu layihəsinin icra vəziyyətini müzakirə etmək üçün üçtərəfli görüş keçirəcək. Bu barədə İranın Rusiyadakı səfiri Kazım Cəlali məlumat verib.
-
Azərbaycan və Tatarıstan enerji, maşınqayırma, neft-kimya, kənd təsərrüfatı və nəqliyyat sahələrində qarşılıqlı maraqlara əsaslanan ticarət və iqtisadi əməkdaşlığı gücləndirməkdə davam edir. İkitərəfli əlaqələr, rəsmi nümayəndə heyətlərinin müntəzəm səfərləri və beynəlxalq iqtisadi forumlarda iştirakı ilə dəstəklənən sabit inkişaf nümayiş etdirir.
Rəy yaz