ВР AÇG-də hasilat üzrə ətraflı icmal hazırlayıb

ARDNŞ ilə müzakirələri davam etdirən BP “Azəri-Çıraq-Günəşli” yatağında məhsuldarlığın müfəssəl icmalını hazırlayıb. Bu barədə BP-Azerbaijan şirkətinin press-relizində bildirilir.

"İcmalda məqsəd 2013-cü ildə AÇG blokundan məhsul tədarükü planının təhlili və texniki problemlərə reaksiya imkanlarının aşkarlanmasıdır", - deyə məlumatda bildirilir. 

İcmal BP-nin layların geologiyası üzrə şöbəsinin rəhbəri Yan Kavananın rəhbərliyi altında mütəxəssislər tərəfindən hazırlanıb. "Diqqəti 2013-cü və sonrakı illərdə neft hasilatının əsaslandırmaq üçün vacib məsələlərə cəmləmişik. Plan hazırlayıb lay təzyiqini, hasilatın azalmasını idarə etmək, sistemin optimallaşdırılması, quma nəzarət üzrə dünya təcrübəsinə çıxış üçün hərəkətləri uzlaşdırdıq ", - deyə Kavana bildirib. 

BP-nin məlumatına görə, BP-nin layların geologiyası üzrə 12 ekspertdən ibarət nümayəndə heyəti Bakıya gələcək. Məqsəd AÇG-də neft hasilatındakı çətinlikləri həll etməkdir. 

AÇG kontrakt meydançasında azalma 2010-cu ilin II yarısında başlayıb: 2010-cu ildə burda 40,6 mln ton, 2011-ci ildə 35,4 mln ton, bu il 32,5 mln ton neft çıxarılıb.

Xatırladaq ki, 11 oktyabr 2012-ci ildə hökumətin iclasında prezident İlham Əliyev AÇG-də hasilatın azalması ilə bağlı BP-ni kəskin tənqid edib və operator kimi problemləri həll etməyi tələb edib. --12D—