Sabah Bakıda su texnologiyaları sərgi və forumu keçiriləcək

Aprelin 11-də Bakı Ekspo Mərkəzdə Xəzər Beynəlxalq Su texnologiyaları Sərgisi və Forumu CATEF 2013 keçiriləcək. Təşkilatçılar “Azərsu” və Iteca Caspian LLC şirkəti bu gün mətbuat konfransı keçirib. 

Iteca Caspian LLC-nin biznesin inkişafı üzrə direktoru Bəhruz Hidayətzadə deyib ki, sərgidə 23 ölkədən 79 şirkət iştirak edir. Onlar su təchizatı, çirkab və yağış suyunun təmizlənməsi texnologiyaları, geotermik texnologiyalar, və s. təqdim edir. İştirakçlıların 50%-i xarici şirkətlərdir: “Hyundai” (Cənubi Koreya), “Herrenknecht AG” (Almaniya), “Krohne” (Almaniya), “Nordic Water-EMO” (İsveçrə), “Nippon Koei” (Yaponiya), “Samsun Makina” (Türkiyə), “Awas” (Almaniya), “DOW” (ABŞ), “Duktus” (Avstriya), “Suez Environment” (Fransa), “Xylem” (İsveç), “Hungarian Water Cluster” (Macarıstan), “PWT” (Almaniya), “Ekoton” (Rusiya), “Grundfos” (Danimarka) və s.). 

“Azərsu” ASC-nin mətbuat katibi Anar Cəbrayıllı qeyd edib ki, Azərbaycan hökuməti su təchizatı və kanalizasiya sisteminin yaxşılaşmasına xüsusi diqqət yetirir. Ona görə müasir texnologiyaların tətbiqində maraqlıdıır. Bu gün 38 rayonda su təchizatı və kanalizasiya sistemi yenilənir. Onların 28-də “Azərsu” operatordur. Xarici mənbələrdən (DB, AİB, Səudiyyə Fondu, KfW və s.) $ 1277 mln kredit alınıb. 2012-2013-cü illərdə dövlət büdcəsindən su təchizatı sisteminin yaxşılaşdırılması üçün 1 310 mln manat ayrılıb. Bu il 6-7 rayonda işlər başa çatacaq. 

Onun sözlərinə görə, ilin sonu üçün şərq qəsəbələrinə magistral su kəməri istismara veriləcək. 2014-cü il üçün qərb zonalarında 0,5 mln nəfərin su təchizatı yaxşılaşacaq. Paytaxtın mərkəzində əhalinin 60%-i fasiləsiz su alır. Bir neçə il əvvəl bu göstərici 35% idi. Cəbrayıllı deyib ki, saniyədə 22 m3 su Bakını 24 saat təmin etmək üçün yetərlidir. 

Sərgi aprelin 13-də bitəcək. 08C