![Sabah Bakıda Süd Sammiti keçiriləcək](https://turan.az/resized/./turan-750-500-resize.webp)
Sabah Bakıda Süd Sammiti keçiriləcək
Sabah Bakıda Jumeirah Bilgah Hotel-də ”IV Yay Süd Sammiti” və “II Beynəlxalq Pendir Forumu” işə başlayacaq.
Tədbirdə məqsəd müxtəlif ölkələrin süd istehsalçıları və emalçıları arasında əməkdaşlıq əlaqələrinin yaranması və onların genişləndirilməsidir.
Südçülərin mayın 26-də başa çatacaq illik yığıncağında ölkəmizin, MDB, Avropa Birliyi və digər ölkələri təmsil edən yüzdən çox şirkətin süd istehsalçısı və emalçıları iştirak edəcək, deyə Kənd Təsərrüfatı Nazirliyində Turan-a bildiriblər.
Sammitin təşəbbüsçüsü Rusiya Federasiyasının Kənd Təsərrüfatı Nazirliyi və Rusiya Federasiyası Dövlət Dumasının Aqrar Məsələlər üzrə Komitəsidir. Əvvəllər belə tədbirlər İsrail, Litva və s ölkələrdə keçirilib. 2017-ci ildə qonaqları Gürcüstan qəbul edib.
İstehsal müəssisələri artsa da, Azərbaycanın süd məhsullarına tələbatı daxili istehsal hesabına 80% təmin edilir. 2016-cı ilin I rübündə xaricdən 6718 ton süd məhsulu, o cümlədən 17 mln 371,6 min dollar məbləğində kərə yağı alınıb. Süd məhsulları ixracı həcmi bu dövrdə 197 ton ($ 311 min) təşkil edib. 08B
-
- Cəmiyyət
- 23 May 2016 14:12
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz