«Şahdəniz» yatağından Neft Fonduna vəsait daxil olmur

2016-cı ilin yanvar-iyulunda Neft Fonduna “Şahdəniz” yatağından mənfəət qazı satışından mədaxil $64 mln olub.

Qeyd edək ki, ikinci aydır ki, Neft Fondu “Şahdəniz” yatağından gəlirlər qrafasında “sıfır” göstərir. Sonuncu dəfə mayda $19 mln gəlir olub.

Aydındır ki, hazırda “Şahdəniz 1” layihəsi çərçivəsində mənfəət (sutkada 30 mln kubmetr qaz və 50 min kubmetr kondensat) “Şahdəniz-2” layihəsi çərçivəsində iri investisiyaların ödənilməsinə xərclənir. Amma PSA saziş şərtlərinə əsasən, dövlət və ya şirkət üçün “sıfır” mənfəət yolverilməzdir. Turan Agentliyinin bu barədə Neft Fonduna sorğusuna cavab olaraq bildiriblər ki, SOCAR və BP qarşısında məsələ qaldırılıb və rəsmi cavab gözlənilir.

ARDNF-nin məlumatına görə, “Şahdəniz” yatağından hasilat başlayandan 1 avqust 2016-cı ilə kimi  mənfəət qazı satışından Neft Fonduna mədaxil $2 mlrd 506 mln olub.

“Şahdəniz” yatağının işlənməsi üzrə saziş 4 iyun 1996-cı ildə bağlanılıb.

Səhmdarlar bunlardır: BP (operator - 28,8%), TPAO (19%), Petronas (15,5%), SOCAR (10%), LUKoil (10%), NICO (10%) və SGC (6,7%). –12B--