"Şahdəniz"də hasilat tədricən artır

“Şahdəniz” yatağının "Mərhələ-1" layihəsi çərçivəsində BP-Azerbaijan şirkəti (operator) istehsal göstəricilərini yaxşılaşdırır. 

Turan-ın şirkətdən əldə etdiyi məlumata görə, bu il mayın 15-i üçün konsorsium kontrakt meydançasından 963 mln kubfut və ya 27,35 mln kubmetr qaz çıxarıb. 2013-cü ilin I rübündə "Şahdəniz" yatağında sutkada 951 mln kubfut və ya 27 mln kubmetr qaz hasil edilib. 

Hasilat stasionar platformada beş quyudan aparılır. Onların hərəsinin gücü sutkada 5 mln kubmetr qazdır. 

2012-ci ildə "Şahdəniz" yatağında 7,73 mlrd kubmetr qaz çıxarılıb. Bu, 2011-ci ildəkindən 15,9% çoxdur. Təkcə "Şahdəniz" çərçivəsində ARDNŞ və quruda işləyən əməliyyat şirkətlərindən çox qaz hasil edilib. 

2013-cü ilin I rübündə "Şahdəniz" çərçivəsində 2,42 mlrd kubmetr qaz hasil edilib. Bu, ötən ilin eyni dövründəkindən 420 mln kubmetr çoxdur.--12В-

 

Rəy yaz

İqtisadiyyat

Taksi sayı azaldılır, bəs köhnə taksiçilər nə ilə dolanacaqlar? – Rauf Ağamirzəyev Çətin sualda



Bizi sosial şəbəkələrdə izləyin

Xəbər lenti