Şamaxı məişət maşınları zavodu modernləşdirilir və rebrendinqə hazırlaşır

“Evsen Group of Companies” şirkətlər qrupunun Şamaxı məişət maşınları zavodu işini dayandırıb və hazırda istehsal xətlərində müasir avadanlıq quraşdırılır. Konveyer istehsalına yayda başlanacaq.

Şirkət strateji planlaşdırma və məhsulların distribusiya işinə yenidən baxır. Gözlənilir ki, modernləşmə məişət texnikası istehsalı üçün detalların sayını 50% artırmağa imkan verəcək. Həmçinin buraxılan malların – soyuducular, məişət kondisionerləri, televizorlar və s. Model sırası dəyişdiriləcək  Bu barədə Turan-a şirkətdə bildirilib.      

Hazırda Şamaxı məişət maşınları zavodunun markalarının adlarının dəyişdirilməsi ilə bağlı müştərilər arasında sorğu aparılır. Əvvəllər onlar “Elite” və “Star” markaları ilə buraxılırdı.

Dövlət Statistika Komitəsinin məlumatına görə, bu ilin 3 ayında ölkədə 113 televizor yığılıb. Bu, ötən ilkindən 98,4% azdır. Aprelin 1-i üçün anbarlarda 3,6 min televizor yığılıb qalıb. Məişət kondisionerləri isə buraxılmayıb. Kondisionerlərin anbar qalığı 2,1 min ədədi keçib.

Şamaxı “Azərelektronika” məişət cihazları zavodu 2005-2008-ci illərdə tikilib. 2013-cü ildə Azərbaycanda 9435 ədəd (+64,8%) məişət kondisioneri, 6 662 (+29%) məişət soyuducusu, 24 372 ədəd televizor (+1,7%) buraxılıb.

Gömrük Komitəsinin məlumatına görə, 2013-cü ildə Azərbaycana bəyannamə qiyməti $34,4 mln. olan 140 min ədəd soyuducu gətirilib. Bu ilin I rübündə onların idxalı 2,3 dəfə artıb. Ötən il həmçinin 29,5 min kondisioner ($17,1 mln.) gətirilib. 08B