Qərb Rusiyanın enerji nəqlindən asılılığı neytrallaşdırır

“Böyük Britaniya ABŞ və Avropa ölkələri ilə birlikdə Rusiya prezidentinin RF neft-qazının nəqlindən Ukraynaya və onun Şərqi Avropa qonşularına qarşı “silah” kimi istifadə etmək təhlükəsinin “neytrallaşdırılması” planını hazırlayır”, -The Independent.

İyunda “böyük yeddiliyin” dövlət başçılarının görüşündə Devid Kameron və digər G-7 liderlərin Rusiya qaz nəqlini dayandırarsa bu qış Ukraynaya yardım göstərilməsi ilə bağlı “fövqəladə reaksiya planı” imzalayacaqları gözlənilir.

“Həmçinin bu həftə G-7 ölkələri energetika nazirləri Avropanın Rusiya neft-qazından asılılığının aradan qaldırılması və Kremlin siyasi kozır kimi enerji təhlükəsizliyindən istifadəsinin qarşısının alınması üzrə uzunmüddətli plan razılaşdırıblar”, - qəzet qeyd edir.

Söhbət Avropada bir neçə yeni maye qaz terminalının yaradılmasından, ABŞ-ın şist qazının ixracına, Qərbdən Şərqə qaz nəqli üçün yeni boru kəmərlərinə investisiyalara və Şimali Afrikadan nəql marşrutlarının genişləndirilməsinə  məhdudiyyətlərinin aradan qaldırılmasından gedir.

Romada G-7 görüşündə Böyük Britaniyanı təmsil etmiş energetika və iqlim dəyişiklikləri naziri Ed Deyvi qəzetə bildirib ki,  müvafiq addımlar atılmayınca Rusiya şübhəsiz, enerjidən silah kimi istifadə edəcək. Onun sözlərinə görə, bu, tamamilə yolverilməzdir.

Deyvi bildirib ki, G7 ölkələri uzunmüddətli perspektivdə “təhlükənin neytrallaşdırılması” üzərində işləmək barədə razılığa gəliblər. Yaxın zamanlarda isə bir neçə həftə ərzində Rusiya qazı kəsərsə bu yaz Ukraynanın enerji tələbatının dəstəklənməsinə dair plan tərtib edilib.

Dauninq-strit-dəki mənbə bildirib ki, Kameron “tamamilə bu strategiyanı dəstəkləyir”, - məqalədə deyilir.

Qeyd edək ki, Rusiyanın  enerji asılılığından azad olmaq üzrə vasitələrdən biri Azərbaycandan Gürcüstan və Türkiyə vasitəsilə Avropaya qaz kəməri sistemi olacaq.-02D-