Nazirlər Kabineti 18 iyul 2011-ci il tarixli dövlət büdcəsindən maliyyələşən müəssisələrin və təşkilatların avtonəqliyyat vasitələrindən istifadəsini tənzimləyən qərarına yenidən baxıb. Satınalmalar üzrə Dövlət Agentliyi dövlətin hesabına daha iki avtomobil alacaq.
Aparat rəhbəri Ələkbər Quliyev Turan-a bildirib ki, agentliyin əməkdaşları minimum 1-2 dəfə Bakı və rayonlarda tenderlərə gedir. Bu zaman onlar şəxsi maşınlarından istifadə edir. İki yeni avtomobil onlara xidmət edəcək. Hazırda xidməti avtomobillər ona və agentliyin direktoruna xidmət edir.
SDA 1997-ci ildə yaradılıb. Burda 34 nəfər (texniki işçilərlə birlikdə) çalışır.
SDA 2013-cü ildəki fəaliyyəti barədə ətraflı məlumat açıqlamayıb. 67 nazirlik, komitə, dövlət təşkilatının istifadəsində 1200-ə yaxın xidməti avtomobil var. Prezident Administrasiyası, Nazirlər Kabineti, güc nazirlikləri, FHN və DYP-yə məxsus avtomobillər bura daxil deyil. --08B—
İqtisadiyyat
-
Bakı Beynəlxalq Dəniz Ticarət Limanı, Şərqlə Qərbi birləşdirən Orta Dəhlizin mühüm halqası olaraq, 2024-cü ildə 7,6 milyon ton yük qəbul edib ki, bu da əvvəlki illə müqayisədə 3,2% artım deməkdir. Bu artım limanın qlobal ticarətdə artan rolunu və Çin, Türkiyə, Gürcüstan, İran və Rusiya kimi ölkələr üçün tranzit qovşağı kimi əhəmiyyətini vurğulayır.
-
Azərbaycanın Dövlət Neft Şirkəti (SOCAR) Birləşmiş Ərəb Əmirliklərinin (BƏƏ) Abu Dabi Milli Neft Şirkətindən (ADNOC) şelfdə yerləşən SARB və Umm Lulu konsessiyasındakı 3%-lik payı 285 milyon dollara alıb. Bu, iki ölkə arasında enerji əlaqələrinin dərinləşdirilməsi istiqamətində mühüm addım kimi qiymətləndirilir. Müqavilə 2024-cü ilin may ayında bağlanıb və 2025-ci ilin yanvarında yekunlaşıb.
-
Bakı Kiçik və Orta Biznes (KOB) Evi və Miniboss Biznes Məktəbi uşaqlarda sahibkarlıq bacarıqlarının inkişafına yönəlmiş anlaşma memorandumu imzalayıblar. Bu barədə Kiçik və Orta Biznesin İnkişafı Agentliyi (KOBİA) bazar ertəsi məlumat yayıb.
-
2025-ci ildə Azərbaycanın informasiya təhlükəsizliyi və rəqəmsal infrastrukturu təzyiq altında qalır, çünki ekspertlər Milli İnternet Mübadilə Mərkəzinin (İnternet Exchange Point - IXP) olmamasını vurğulayırlar. Multimediya QHT-nin rəhbəri Osman Gündüz İnformasiya və Kommunikasiya Texnologiyaları Agentliyini (İKTA) əsas provayderlər olan Azertelecom, Delta Telecom, AzTelekom və qlobal sənaye liderləri ilə əməkdaşlıq edərək Milli İnternet Mübadilə Mərkəzinin yaradılmasına rəhbərlik etməyə çağırıb.
Rəy yaz