BP-Azerbaijan şirkəti 2016-cı ilin I rübündə SOCAR şirkətinə 692 mln kubmetr səmt qazı verib Bu, ötən ilin eyni dövründəkindən (1,2 mlrd m3) 42,3% azdır.
Şirkətin press-relizinə əsasən, I rübdə SOCAR-a sutkada 7,6 mln kubmetr səmt qazı verilib. AÇG-də çıxarılan qalan səmt qazı həcmi təzyiqi qorumaq üçün neft quyularına vurulub.
BP-Azerbaijan şirkəti bu dövrdə hasil edilən səmt qazının həcmini açıqlamır. Əvvəllər energetika naziri bildirmişdi ki, 2016-cı ildə AÇG blokundan 12,9 mlrd kubmetr səmt qazı çıxarılması gözlənilir. 2015-ci ildə AÇG blokundan 12,3 mlrd kubmetr səmt qazı çıxarılıb. Bunun 3,2 mlrd kubmetri Azərbaycan tərəfinə verilib.
AÇG blokundan səmt qazı Səngəçal terminalında SOCAR-a pulsuz verilir.
SOCAR-da Turan-a bildiriblər ki, səmt qazının verilməsinin həcminin azaldılması AÇG-də hasilatı qorumaq üçün lazımdır. “Dövlət də, SOCAR da AÇG-də hasilat çox olanda daha çox mənfəət əldə edir. Ona görə bu mərhələdə qazı neft quyularına vurmaq daha sərfəlidir”.
“Bu həcmlər olmadan keçinmək olarmı?” sualına cavab olaraq SOCAR-da deyiblər ki, xoşbəxtlikdən bu il qış mülayim keçdi və energetiklər də yanacağa qənaət etməli oldu. –12В--
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz