![Prezidentin qızlarının qızıl yatağındakı payını dövlət alacaq](https://turan.az/resized/media/2016/main/052600157433-750-500-resize.webp)
Prezidentin qızlarının qızıl yatağındakı payını dövlət alacaq
Azərbaycan prezidenti İlham Əliyev “Azərbaycan Respublikasında Qaradağ, Çovdar, Göydağ, Dağkəsəmən filiz sahələrinin, Köhnəmədən sahəsinin və Kürəkçay hövzəsi yataqlarının öyrənilməsi, tədqiqi, kəşfiyyatı, işlənməsi sahəsində bir sıra tədbirlər haqqında” Sərəncam imzalayıb.
Sənəddə qeyd edilir ki, qərar Azərbaycan Respublikasının 2007-ci il 5 iyun tarixli Qanunu ilə təsdiq edilmiş podratçılara məxsus olan iştirak paylarının onlar tərəfindən satılması niyyəti nəzərə alınaraq qəbul edilib. Beynəlxalq təcrübəyə uyğun şəkildə aparılmış qiymətləndirmə nəticəsində həmin payların əldə olunmasının iqtisadi səmərəliliyinin təsdiq olunub, deyə sənəddə qeyd edilir. Təklif İqtisadiyyat Nazirliyi və Ekologiya və Təbii Sərvətlər Nazirliyindən daxil olub.
Prezident Əliyev Ekologiya və Təbii Sərvətlər Nazirliyinə, İqtisadiyyat Nazirliyinə və “AzerGold” Qapalı Səhmdar Cəmiyyətinə tapşırıb ki, podratçı tərəflərə məxsus iştirak paylarının “AzerGold” Qapalı Səhmdar Cəmiyyəti tərəfindən alınması ilə bağlı zəruri tədbirlər görsünlər.
İştirak paylarının alınmasının maliyyələşdirilməsinə dair təkliflər iki ay müddətində prezidentinə təqdim edilməlidir.
“AzerGold” QSC alqı-satqı baş tutduqdan sonra müvafiq filiz sahələrinin və yataqların öyrənilməsi, tədqiqi, kəşfiyyatı, işlənilməsi və səmərəli idarə olunmasını təmin etməlidir.
Qeyd edək ki, müstəqil jurnalist araşdırmaları Sazişdə iştirak edən bir sıra ofşor şirkətlərin son benefisiarlarının Azərbaycan prezidenti İlham Əliyevin qızları Leyla və Arzu Əliyevanın olduğunu aşkarlamışdı.
Son illər bu yataqların işlənməsi dayandırılmışdı və əmək haqqı borcları yaranmışdı.
«AzerGold» QSC 2015-ci ilin əvvəlində təsis edilib. Bu yaxınlarda nizamnamə və strukturu təsdiq edilib. Amma hələlik idarəetmə aparatı və menecmenti formalaşdırılmayıb. 08D
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz