Sentyabrda avro alışı 17,5 dəfə artıb

2012-ci ilin sentyabrında nağdsız xarici valyuta əməliyyatları dövriyyəsi 3346 mln manat ($4,3 mlrd) ekvivalenti olub. Ay ərzində o, 35 % artıb. Doqquz ayda valyuta dövriyyəsi 23,72 mlrd manat olub. Ötən ilin eyni dövrü ilə müqayisədə o, 33,6% artıb. 

Bu ilki sentyabrda Amerika valyutası ilə əməliyyat həcmi 28,3% təşkil edib. Rusiya rublu ilə əməliyyat həcmi 28,4%-dək enib, avronun payı 15,9%-ə çatıb. Nağd ABŞ dolları ilə əməliyyat həcmi sentyabrda $947 mln olub. Bu, avqust göstəricisindən $87 mln və ya 8,4% azdır. Hesabat ayında bu valyutanın alınması 11,2% azalıb. 2011-ci ilin eyni dövrü ilə müqayisədə bu ilin yanvar-sentyabrında Amerika valyutası ilə nağd mübadilə əməliyyatlarının ümumi dövriyyəsi $3214 mln və ya 58,7% artaraq $8691 mln olub. 

Nağd avro ilə əməliyyat həcmi 9 ayda 1843 mln (müvafiq valyuta vahidi) olub. Bu, ötən ilin eyni dövrü ilə müqayisədə 71% çoxdur. Sentyabrda əhalinin bu valyutanı alması 17,5 dəfə artaraq 155 mln-a çatıb. 

 Yanvar-sentyabrda Rusiya rublu və ingilis funt sterlinqi ilə nağd mübadilə əməliyyatlarının ümumi dövriyyəsi 6883 mln və 21,3 mln təşkil edib. 

 Nağd ABŞ dollarının manatla orta mübadilə məzənnəsi sentyabrda 2 bənd, 12 ayda 10 bənd azalıb və 1 USD üçün 0,7857 manat olub. --15B--