![Sığorta şirkətləri şəffaflıqda maraqlı deyil – ekspert](https://turan.az/resized/media/2017/main/022500184201-750-500-resize.webp)
Sığorta şirkətləri şəffaflıqda maraqlı deyil – ekspert
Sığorta şirkətlərinin maliyyə hesabatlarını açıqlamaması onların çoxunun ziyanla işlədiyini və bunu gizləməyə çalışdığını ehtimal etməyə əsas verir, deyə «Respublika Alternativi» (REAL) hərəkatının icraçı katibi, iqtisadçı Natiq Cəfərli hesab edir.
İqtisadçı Turan-a müsahibəsində deyib ki, əgər onlar tənzimləyiciyə hesabat verir, bunu öz saytlarında açıqlamırlarsa, bunu qanunvericiliyin pozuulması saymaq olmaz.
«Hesab edirəm ki, onlar şəffaflıqda maraqlı deyil və real məlumatların potensial müştəriləri qaçıracağından qorxurlar», deyə o bildirib.
Qeyd edək ki, «Silk Way insurance» sığorta şirkəti istisna olmaqla, sığorta şirkətlərinin çoxu maliyyə hesabatlarını öz saytlarında açıqlamır.
Sığorta şirkətlərinin saytlarında 2016-cı ilin ayrı-ayrı rübləri və bütöv il üzrə hesabat yoxdur.
Sığorta şirkətlərinin saytlarının adi monitorinqi göstərir ki, onlarda yalnız 2015-ci ilin hesabatları var.
Şirkətlərə birbaşa müraciətlər hələlik nəticə verməyib.
Maraqlıdır ki, bu məsələdə banklara qarşı prinsipial mövqe nümayiş etdirib, hesabatları saytlarında dərc etməyə məcbur edən Maliyyə Bazarlarına Nəzarət Palatası sığorta şirkətlərinə loyal yanaşır. 71D
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz