Sığortaçıların renkinqində «ailə» şirkəti liderdir

Sığortaçılar Assosiasiyasının məlumatına görə, «Pasha Sığorta» ötən il sığorta haqları üzrə lider olub – onun hesabında 50 mln 702,41 min manat (ümumi mükafatların 11,81%-i) var.

Ardınca «Pasha Hаyat Sığorta» (41 mln 902,87 min manat), «Azərsığorta» (41 mln 611,1 min manat), «Ateshgah Hаyat» (37 mln 928,85 min manat), «AzSığorta» (36 mln 748,35 min manat), «Ateshgah» (35 mln 295,78 min manat), «Qala Hаyat» (25 mln 161,09 min manat), «AXA Mbask» (19 mln 145,08 min manat), «Ipek Yolu Sığorta» (19 mln 45,84 min manat) və «Standard Insurance» (17 mln 524,55 min manat) gəlir.

Ödənişlərdə də «Pasha Sığorta» liderdir - 27 mln 44,53 min manat (ümumi ödənişlərin 17,21%-i). «Ateshgah Hаyat» 24 mln 138,55 min manat, «Ateshgah» - 14 mln 901,41 min manat, «Azərsığorta» 13 mln 325,41 min manat, «AXA Mbask» 10 mln 726,97 min manat ödəniş edib.

Ödənişlər sığortaçıların maliyyə mənbəyini çox qabarıq ifadə edir. Birinci yerdə ölkə başçısının zövcəsinin qohumlarına məxsus şirkət gedir. Onun ARDNŞ və başqa inhisarçılarla KTS üzrə korporativ müqaviləsi var. İkinci yerdə ARDNŞ-yə bağlı şirkətdir. Onun həyat sığortası üzrə korporativ müqaviləsi var. Dördüncü yerdə dövlət sığorta şirkəti gəlir. Onun ödənişləri büdcə xətti ilə həyata keçirilir.

Ötən il sığorta mükafatları 429 mln 181,2 min manat, ödənişlər 157 mln 129,29 min manat olub. --17D—