İŞİD-in çökməsi başladı

Türkiyə xəbər saytları “İraq Şam İslam Dövləti” (İŞİD) adlı terror qruplaşmasının bir-birinin ardınca ağır zərbələr alması haqda xəbər yayırlar.

Xəbərlərə görə, qruplaşma keçən ilin payızından çox hissəsini əlində saxladığı Suriyanın Türkiyə ilə həmsərhəd Kobani qəsəbəsindən bu günlərdə tamamilə çıxarılıb.

Daha sonra isə deyilir ki, Suriyanın şimalındakı Diyala şəhərinin çərşənbə axşamı səhər saatlarında İŞİD qüvvələrindən təmizləndiyi bildirilir. Bununla yanaşı verilən xəbərlərə  görə, İraq ordu qüvvələri, kürd peşmərgə birlikləri İŞİD-in paytaxtı olan Mosul üzərinə ciddi hücuma hazırlaşır. Bununla birgə artıq İraq ordusu və peşmərgə qüvvələrinin Mosul şəhəri ətrafındakı əraziləri ələ keçirdiyini də nəzərə çatdırır.

Türk şərhçilər keçən ilin yayından dünyanın siyasət səhnəsinə “hay-küy”lə gələn İŞİD terror qruplaşmasının elə keçən ilin noyabrından bu yana tənəzzülə uğraması haqda şərhlər də veriblər. Onların fikrincə, İŞİD-in məğlubiyyətlərinin bir neçə səbəbi var. Şərhçilərə görə, İŞİD-in ələ keçirdiyi ərazilərdə insanlara qəddarlığına qarşı yaranan dünya birliyi koalisiyası bu məğlubiyyətdə həlledici rol oynayıb.

Son 3-4 ayda İraq siyasi hakimiyyətində və ordu quruculuğundakı dəyişikliklər, yerlərdə şiə və sünni məzhəbindən olan insanların həmrəyliyi kimi xüsusiyyətlər də bu məğlubiyyətləri reallaşdıran amillər sırasındadır.-05D-