Silk Way West Airlines aviaşirkəti daha bir Вoeing 747-8F alır

Bu il “Silk Way West Airlines” aviaşirkətinin parkında avialaynerlərin sayı yeddiyə çatacaq. Bu il şirkətə daha bir “Вoeing 747-8F” təyyarəsinin gətirilməsi gözlənilir, deyə  aviaşirkətin mətbuat xidməti

məlumat verir.
  Hazırda "Silk Way West Airlines" aviaşirkətinin hava gəmiləri parkına 4 “Вoeing 747-8F” və 2 “Вoeing 747-400F” təyyarəsi daxildir.

Onlar Heydər Əliyev Beynəlxalq Hava Limanından qitələri birləşdirən tranzit mərkəz kimi istifadə edərək dünyanın müxtəlif regionlarına -  Asiya, Avropa, Yaxın Şərq və Şimali Amerikaya müntəzəm uçuşlar yerinə yetirir.

Silk Way West Airlines 2012-ci il iyununda fəaliyyətə başlayıb. «Yeni "Вoeing" yük təyyarəsinin tədarük edilməsi aviaşirkətə uçuşların coğrafiyasını daha da genişləndirmək imkanı verəcək», deyə aviaşirkətdə Turan-a bildiriblər.

Qeyd edək ki, bu günlərdə aviaşirkət növbəti dəfə Beynəlxalq Hava Nəqliyyatı Assosiasiyasının (İATA) İOSA (IATA Operational Safety Audit) standartına uyğunluğu üzrə audit yoxlama prosedurunu uğurla keçib və müvafiq sertifikatı daha iki il müddətinə uzadıb.

Bundan öncə İOSA-nın müvafiq sertifikatını "Azərbaycan Hava Yolları" (AZAL) milli sərnişin aviadaşıyıcısı alıb. 08D