Sim-kartın yeni satış qaydaları qüvvəyə minəcəkmi?

Sabah AR Nazirlər Kabinetinin Sim-kartların yeni satış proseduru ilə bağlı qərarı qüvvəyə minməlidir. Hər üç yerli mobil rabitə operatoru istifadəçisinin adına qeydiyyatda olmayan abunəçilərə SMS-məlumatlar göndərərək onları Sim-kartın qeydiyyatı üçün müştəri xidmətlərinə dəvət edirlər. Bu, kartotekada qayda yaratmağa və problemlərdən sığortalanmayan kart sahibləri üzərinə məsuliyyət qoyur.

Hökumətin qərarı ilə həmçinin abunəçilərlə razılaşmaların əldə edilməsi qaydaları da dəyişib – Sim-kartların üçüncü şəxslərə daimi istifadəyə verilməsi və gəlirin əldə edilməsi məqsədi ilə satılmasına da qadağa qoyulub. Yəni indi abunəçi (nömrə sahibi) nömrənin üçüncü şəxslər tərəfindən başqa məqsədlərlə və qanunsuz istifadəsinə görə məsuliyyət daşıyır. Xatırladaq ki, bu gün ölkədə Sim-kartların təxminən üçdə biri üçüncü şəxslərin istifadəsindədir, yaxud işləmir. Sənəddə qeyd olunur ki, mobil operatorların abunəçi bazası DİN-in vətəndaşlar barədə məlumat bazası əsasında formalaşdırılmalıdır və Sim-kart yalnız bundan sonra aktivləşdirilməlidir.

Bundan əlavə, yeni qaydalar vicdansız dilerlər tərəfindən operatordan alınan Sim-kartların topdan satışının da qarşısını almağa imkan verəcək. Adətən, “fırıldaq” kartlar ayrıca müqavilələrlə satılır, bu da başqasının adına qeydiyyatda olan Sim-kart istifadəçilərinin ortaya çıxmasına səbəb olur.

Daha bir yenilik dövlət strukturlarının kütləvi göndərişləri təcrübəsidir (qaz, su, elektrik enerjisi borcu, yol hərəkəti qaydaları pozulmasına görə cərimələr, şəxsiyyət vəsiqəsinin, pasportların vaxtının bitməsi və s.).

Bu gün yerli mobil rabitə bazarında üç operator fəaliyyət göstərir - Bakcell, Azercell и Azerfon. Rabitə və Yüksək Texnologiyalar Nazirliyinin məlumatına görə, ölkədə möbil rabitənin yayılması 112%-dir. --17D—