«Şimal-Cənub» dəmir yolu körpüsünün təməli qoyulub

“Şimal-Cənub” transkontinental nəqliyyat layihəsi yaxın gələcəkdə öz reallaşması ilə bağlı daha bir təsdiqini tapdı.

Belə ki, aprelin 20-də Azərbaycan-İran sərhəddində Astaraçay üzərində dəmiryolu körpüsünün təməlqoyma mərasimi keçirilib. 82 metr uzunluğunda körpü iki ölkənin dəmir yolunu birləşdirəcək. Sərhədyanı tikinti işləri 2016-2017-ci illərdə başa çatacaq.

İran tərəfi uzunluğu 350 km. olan Qəzvin-Rəşt-Astara dəmir yolunun inşasını 2017-ci ildə başa çatdıracaq. İşlər tamamlanma mərhələsindədir. Nəqliyyat dəhlizi Fars körfəzinə və Hindistana çıxmaqla Rusiya, Azərbaycan və İranın mövcud dəmir yollarını birləşdirəcək.

Azərbaycan və İran dəmir yollarının birləşdirilməsi barədə yekun qərar ötən il ABŞ və İran arasında ikitərəfli məsələlər üzrə razılıq əldə olunduqdan sonra qəbul edilib.

Layihə iyirmi ildən artıq müddətdə həll mərhələsində olub.

Dekabrın 7-də  prezident İlham Əliyev “Şimal-Cənub beynəlxalq nəqliyyat dəhlizinin Azərbaycan Respublikasının ərazisindən keçən hissəsində işlərin sürətləndirilməsi haqqında” sərəncam imzalayıb.

“Şimal-Cənub” beynəlxalq nəqliyyat dəhlizinin inlişafına dair saziş 2000-ci il sentyabrın 12-də Sankt-Peterburqda Rusiya, İran və Hindistan arasında bağlanıb.

İlkin hesablamalara görə, dəmir yolu dəhlizinin buraxılış qabiliyyəti ildə 1,4 milyon sərnişin və 5-7 mln. ton yük olacaq, perspektivdə 20 mln. tona çatdırılacaq.—08B--