SOCAR AÇG ilə bağlı yeni razılaşma imzalayacaq

Azərbaycan Dövlət Neft Şirkəti “Azəri-Çıraq-Günəşli” (AÇG) neft-qaz yatağı blokunun işlənilməsi üzrə hazırkı tərəfdaşları ilə bağlı yeni razılaşma imzalamaq niyyətini açıqlayıb. Bu barədə SOCAR-ın məlumatında deyilir.

Məlumatda qeyd olunur ki, bu bəyanat SOCAR və Dövlət Neft Fondu nümayəndələrinin AÇG blokunun işlənilməzi üzrə şirkət-tərəfdaşların - BP, Statoil, Exxon Mobil, Shevron, Itochu, INPEX, TPAO və ONGC Videsh-in nümayəndələri ilə görüş zamanı verilib.

Tərəflər yatağın hazrıkı və gələcək işlənilməsinin inkişafı məsələləri ilə bağlə geniş fikir mübadilə aparıb.

“BP və digər tərəfdaşların nümayəndələri Azərbaycanda stabil investisiya və biznes mühitini yüksək qiymətləndirib, həmçinin bunu gələcək fəaliyyət planlarında nəzərə aldıqlarını deyiblər.

Onlar SOCAR-la uzunmüddətli əməkdaşlığın effektivliyini vurğulayıblar və Dövlət Neft Şirkərini etibarlı tərəfdaş kimi qeyd ediblər”, - deyə məlumatda bildirilir.

Görüş zamanı qeyd edilirdi ki, BP şirkəti və onun tərəfdaşları SOCAR-la AÇG-nin gələcək inkişafı ilə bağlı uzunmüddətli texniki müzakirələr aparıblar.

Bu müzakirələr zamanı müəyyən edilib ki, AÇG bloku hələ də ehtiyatlarla bağlı böyük potensiala malikdir. Müzakirə prosesi zamanı həmçinin hazırkı PSA-nın müddəti bitəndən sonrakı dövrdə blokun karbohidrogen resurslarının birgə işlənilməsinin effektivliyi də öyrənilib.

“Görüş zamanı SOCAR-ın AÇG blokunun işlənilməsi ilə bağlı hazırkı tərəfdaşlarla PSA tipli yeni müqavilənin imzalanmasının mümkünlüyü qeyd olunub və BP və tərəfdaşlarının məmnunluqla qəbul etdiyi SOCAR-ın bu niyyəti elan edilib”, - deyə məlumatda bildirilir.

Görüş iştirakçıları gələcəkdə atılacaq addımların koordinasiyası ilə bağlı razılığa gəliblər.

AÇG blokunun işlənilməsi ilə bağlı hazırkı müqavilənin fəaliyyəti 2024-cü ildə bitir.

AÇG blokunun işlənilməsi ilə bağlı müqavilə 1994-cü ildə imzalanıb. Bu yataqlarda təsdiqlənmiş neft ehtiyatları təxminən 1 mlrd ton həcmində qiymətləndirilir. Hazırda müqavilə sahəsində hasilat həcmi sutkada 630 min bareldi.

Müqavilədə iştirak payı belədir: BP (operator) – 35,78%, Chevron” – 11,27%, Inpex – 10,96, SOCAR – 11,65%, Statoil – 8,56%, Exxon – 8%,  ТРАО – 6,75%, Itochu – 4,3% və ONGC – 2,72%.

* Turan agentliyinin hökumətdəki mənbələrdən əldə etdiyi məlumata görə, PSA tipli yeni müqavilənin imzalanması 2016-cı ilə planlaşdırılıb. Həmin vaxta gələcək razılaşmanın kommersiya şərtləri hazırlanacaq.–12D--