![SOCAR Amerika bazarına irəliləyir](https://turan.az/resized/media/2012/main/092000011856-750-500-resize.webp)
SOCAR Amerika bazarına irəliləyir
Azərbaycan Dövlət Neft Kampaniyası (SOCAR) ABŞ bazarında maraqları olduğunu bildirib və Vaşinqtonda nümayəndəlik açıb. Bu barədə çərşənbə günü SOCAR-ın vitse-prezidentinin müavini Vitali Bəylərbəyov Bakıda “Neft, qaz və media” beynəlxalq konfransındakı çıxışında bildirib.
Onun sözlərinə görə, yaxın günlərdə SOCAR həmçinin Hyustonda nümayəndəlik açmağı planlaşdırır. Lakin Bəylərbəyov SOCAR-ın Amerika bazarında həyata keçirməyi hədəflədiyi layihələrin təfsilatına varmayıb. “Söhbətin nədən getdiyini bu layihələrin həyata keçirildiyi zaman öyrənəcəksiniz”, deyə Bəylərbəyov qeyd edib.
Bu gün SOCAR Azərbaycanın hüdudlarından kənarda aşağıdakı ölkələrdə fəaliyyət göstərir:
Gürcüstan (neft məhsullarının satışı, YDM ümumi sayı 96 ədəd, qazpaylaşdırıcı şəbəkələrin idarə olunması və qaz distribütorluğu, Kulevidə yükboşaltma terminalı);
Türkiyə (Petkim neft-kimya kompleksi, İzmirdə NEZ tikintisinə hazırlıq);
Ukrayna (30-a yaxın YDM);
Rumıniya (14 YDM-dən ibarət şəbəkə);
İsveçrə (170 YDM, Sürix və Cenevrə hava limanlarında təyyarələrin yanacaqdoldurma terminalları). Bundan başqa, 2008-ci ildən İsveçrədə SOCAR Trading şirkəti fəaliyyət göstərir.
Bundan başqa, SOCAR Xəzəryanı ölkələr üçün sualtı qurğuların tikintisi, boruların betonlanması üzrə sifarişləri həyata keçirir, geoloji və geofiziki xidmətlər göstərir və s.
Oktyabrda SOCAR-ın “törəmə” şirkəti – CDC Aralıq dənizinin İsrail şelfində qazma işlərinə başlamağı planlaşdırır.
Yuxarıda deyilənlərdən irəli gələrək və Dövlət Neft Şirkətinin ambisiyalarını nəzərə alaraq, SOCAR-ın ABŞ-da neft-qaz sahəsində geniş spektr xidmətlərin həyata keçirilməsini üzərinə götürə biləcəyini güman etmək olar. -12С-
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz