SOCAR Panamadan olan tərəfdaşı ilə Azərbaycanda ziyanla işləyir

“Ekol Muhəndislik Xidmətləri” QSC 2015-ci il üzrə maliyyə hesabatını (http://goo.gl/jo0GTd) açıqlayıb. Hesabata əsasən, şirkətin ziyanı 2014-cü illə müqayisədə 37% azalaraq 1,4 mln manat təşkil edib.

2015-ci ildə Azərbaycan ərazisində ekoloji xidmətlər üzrə gəlirlər 9,4 mln manat olub. Bu, əvvəlki ildəkindən 23% azdır. İl ərzində əməliyyat itkiləri 3 mln manata çatıb. Amma “AAS-Ekol” şirkətinin mənfəətində 1,5 mln manat iştirak payı hesabına konsolidə edilmiş ziyan yarıbayarı azalıb.

2014-2015-ci illərdə şirkətin bölünməmiş mənfəəti 11,2 mln-dan 7,5 mln manata düşüb. “Ekol Muhəndislik Xidmətləri” QSC 2006-cı ildə təsis edilib. Səhmdarları SOCAR – 51% və “Lancer Services S.A”-dır (Panama Respublikası) – 49%.“Lancer Services S.A”-nın təsisçiləri barədə heç nə məlum deyil. Bu barədə http://lancer-sa.com/ korporativ saytda da heç nə deyilmir. Bu resursdan məlumdur ki, o yalnız Azərbaycanda işləyir. Şirkətin Panama registrində də (http://www.panamaregistry.org/lancer-services-s-a) onlar barədə məlumat yoxdur.

Bu yaxınlarda araşdırmaçı jurnalistlərin beynəlxalq şəbəkəsi səs-küylü Panama Papers adı ilə Panamadakı ofşor şirkətlər barədə sənədlər açıqlayıb. Hələlik “Lancer Services S.A”-nın adı orda yoxdur. 08D