SOCAR Qaz-kimya kompleksi layihəsinin ilkin qiyməti ($7 mlrd) ucuzlaşdırılıb və hazırda $4 mlrd təşkil edir. Bu barədə SOCAR-ın vitse-prezidenti Süleyman Qasımov jurnalistlərə məlumat verib.
Onun sözlərinə görə, ucuzlaşmaya bir sıra amillər təsir edib. “Xərcləri azaltmaq üçün layihənin parametrini azaldıb QEZ-in illik gücünü 12 mlrd kubmetrdən 10 mlrd kubmetrə endirdik”, - deyə o bildirib.
O xatırladıb ki, qaz emalı və qaz-kimya zavodlarının tikintisinə SOCAR Yaponiyadan tərəfdaşlar cəlb etməyi planlaşdırırdı. Amma danışıqlar uğurlu olmayıb. Onlar risk qismində məhsulun daha ucuz qiymətini nəzərdə tuturdu. Xərclər çox olduğu üçün layihə yaponiyalılar üçün cəlbedici olmayıb.
Vitse-prezident bildirib ki, 2016-cı ilin iyununda Qaz-kimya kompleksi layihəsinin həyata keçirilməsi üçün SOCAR Çin Milli Neft Korporasiyası (CNPC), “Qazprombank”la, EKSAR kredit agentliyi və İtaliyanın SACE kredit agentliyi ilə memorandum imzalayıb.
«Hazırda təkliflər qiymətləndirilir. Neft bahalansa, Yaponiya şirkətləri yenidən bu layihə mövzusuna qayıda bilərlər», - deyə o bildirib. –12С--
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz