ARDNŞ-nin Ukraynadakı müəssisəsi - SOCAR Ukraine qrupu "Atikva esteyt" MMC-nin nizamnamə kapitalında 50% pay alınması üzrə əqd nəticəsində ölkədə 26 yanacaqdoldurma məntəqəsi və neft bazası əldə edəcək. Bu barədə "SOCAR Energy Ukraine" MMC-nin (SOCAR Ukraine müəssisələr qrupunun idarəetmə şirkəti) saytı məlumat verir.
"SOCAR Ukraine-nın inkişaf formalarından biri korporativ aktivlər almaqdır, yəni başqa müəssisələrin alınması və ya SOCAR Ukraine qrupuna birləşdirilməsidir. Görülən işlər nəticəsində "SOCAR Energy Ukraine" MMC Ukrayna Antiinhisar Komitəsindən “Atikva esteyt" MMC-nin nizamnamə kapitalında 50% pay almaq üçün icazə aldı", - deyə məlumatda bildirilir.
Həmçinin qeyd edilir ki, "bu əqd başa çatandan sonra SOCAR Ukraine qrupunun korporativ nəzarət sahəsinə bu biznes aktivlər keçəcək: Odessa, Nikolayev, Poltava, Çerkassk, Jitomir, Xarkov vilayətlərində 26 YDM və Xarkov vilayətlərində bir neft bazası".
Məlumata görə, artıq "“Atikva esteyt" MMC-nin SOCAR Ukraine-yə verilməsi üçün ilkin işlər görülüb.
Sayt məlumat verir ki, "bundan sonra aktivlər "SOCAR" standartına uyğun rebrendinq eiləcək.
* ARDNŞ-nin Ukrayna təmsilçiliyi 2008-ci ildə yaradılıb. 2009-cu ilin əvvəlində şirkət Ukraynada YDM şəbəkəsi yaratmaq barədə qərar qəbul edib. Bu ayın əvvəlində ARDNŞ Ukraynada SOCAR brendli YDM-lərin 30-a çatdığını elan edib--12D—
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz