Bəzi insanlar vəkillərdən uşaqların stomatoloqdan qorxduğu kimi qorxur. Etiraf edim ki, Bakıda vəkillərlə ünsiyyət təcrübəm məndə elə bir ümid yaratmırdı. Sadəcə bir dəfə məni maşın vurduqdan sonra məsləhət üçün vəkilin yanına getdim. Tarakan bığlı gombul day-day dərhal hesab təqdim etdi və bütün suallarıma qeyri-müəyyən cavab verdi. Məndə belə bir təəssürat yarandı ki, o. ya işləmək istəmir, ya da sadəcə məlumatı yoxdur.
Buna görə mən həmişə vəkillərdən uzaq dururdum, amma Amerika vəkilləri fikrimi dəyişdirdilər. ABŞ-da vəkil sizin onun müştərisi olduğunuzu başa düşür və müştərisi üçün hər şey etməyə hazırdır. Amerika ümumiyyətlə kapitalist ölkəsidir və müsbət cəhət də olsa, mənfi cəhət də olsa, burada müştəri həmişə haqlıdır. Ona görə Amerikada daha çox zəhlətökən gombul vəkillərlə deyil (hamınızın yaxşı bildiyiniz o film qəhrəmanının rəisi kimi), mehriban və qeyri-adi şəxsiyyətlərlə (həmin filmdəki xanım kimi) qarşılaşdım.
Bütün bunları immiqrasiya ilə bağlı sualınız yaranarsa haraya üz tutmalı olacağınız məsələsinə giriş olaraq yazıram.
Əvvəlcə dövlət qurumu – immiqrasiya ofisi ilə əlaqə saxlamaq lazımdır, bütün ölkə üzrə qaynar xətti 1 (800) 375-5283. İmmiqrasiya hakimiyyətinin ən yaxın şöbələrini tapmağa və qətiyyətlə oraya getməyə çalışmayın, çox vaxt Azərbaycanda etdiyimiz kimi. Sizi qapının kandarından belə buraxmaya bilərlər və suallarınıza cavab almayacaqsınız. Ona görə yox ki, onlar pisdirlər, sadəcə ona görə ki, hər şey müəyyən qaydalara əsasən edilir. Qaynar xəttə zəng edin və məsləhətçiyə suallarınızı verin. Saytın da sizə çox köməyi ola bilər.
Sizdən immiqrasiya ofisinə gəlməyinizi istəsələr, nəzərə alın ki, orada bəzən böyük növbələr olur, tələsməyə dəyər. Vaxtında gedin. Beş dəqiqə geciksəniz – hər şey bitdi! Yeni vaxt təyin edilməsini xahiş etməli olacaqsınız, bu isə iki həftə sonra belə ola bilər.
Kiməsə rüşvət verməyə çalışmayın. Azərbaycandan fərqli olaraq, Amerika məmurları buna sevinməyəcək, əksinə. Yalan da yaxşı qarşılanmır, yadınızdan çıxarmayın ki, biz informasiya texnologiyaları əsrində yaşayırıq: bir neçə dəqiqə ərzində hər şeyi yoxlamaq və təkrarən yoxlamaq olar.
İmmiqrasiya ofisinə baş çəkdikdən sonra hələ də suallarınız qalsa, yerli kitabxanaya gedin və immiqrasiya qanunvericiliyi ilə bağlı kitablar istəyin. Kitabxanalarda çox vaxt immiqrasiya məsələləri üzrə məruzələr də olur, kitabxanaçıdan soruşun.
Yaşadığınız şəhərin sosial xidmətlər ofisinə getmək (əvvəlcədən zəng edərək) faydalı olardı. Orada da tez-tez immiqrasiya mövzusunda məruzələr haqqında elanlar olur, yaxud onlar sizə immiqrasiya məsələsində kömək üçün haraya müraciət edəcəyinizi məsləhət görə bilərlər.
Hələ də suallarınız var? Problem deyil. Bu mərhələdə pullu və ya pulsuz vəkil xidmətlərinə üz tutmaq istədiyinizi müəyyən etmək lazımdır. İstənilən azərbaycanlı kimi deyəcəksiniz: “Əlbəttə, pulsuz!”
Burada bir neçə “amma” var. Birincisi, pulsuz hüquqi xidmət göstərən vəkillər axtarmağa çalışsanız “pro-bono” terminini yadınızda saxlayın. Google-da bu sözü və yaşadığınız şəhərin adını yazaraq, sizə yaxın məsafədə belə servisləri tapa bilərsiniz.
Onların bir hissəsi tamamilə pulsuz vəkillik xidməti göstərir, digər hissəsi isə ucuz qiymətə (məsələn, təxminən 40 dollara).
Amma pulsuz məsləhətə bir neçə həftə əvvəldən yazılmaq lazım gələ bilər, sizin isə bu qədər vaxtınız olmaya bilər. Həm də hamı pulsuz xidmətdən faydalana bilməz, yəni gəliriniz müəyyən səviyyədən yüksəkdirsə (hər bir ştat üçün fərqli rəqəmlər), kontor sizi pullu vəkilin haqqını ödəmək iqtidarında olan şəxs hesab edə bilər.
Pullu vəkil seçməyi qərara alsanız, bir neçə kontora zəng edin və qiymətləri müqayisə edin, sizi aldatmalarına imkan verməyin. Bir kontorda qrin-kart üçün ərizə doldurulması 1500 dollar, digərində 5000 dollar ola bilər. Bu zaman təkcə qiyməti deyil, vəkilin sizə məhz hansı xidmətləri göstərəcəyini də müqayisə edin.
После того, как с документами проблема решена, пора приступать к поискам работы. Об этом поговорим в следующем посте.
Mənbə: QueenTamara.blogspot.com
Rəy yaz