«Soqlasie»nin yerli bazara yeni baxışı

Rusiyanın «Soqlasie» sığorta şirkəti Azərbaycanın sığorta bazarında “kəşfiyyatı” başa çatdırıb və burada möhkəmlənmək niyyətindədir. 

Şirkətin icraçı direktoru Elnur Süleymanovun sözlərinə görə, az mənimsənilən təkrar sığorta seqmenti üzrə planlar qüvvədə qalır. İndiyəcən ixtisaslaşma yerli sığortaçıların iri təkrarsığorta risklərinin qəbulu üzrə olub. İndi yerli bazarda Rusiya bazarından risklərin qəbulu gündəmdədir (qarşılıqlı təkrar sığorta). 

Yerli bazara RF şirkətinin hesabına mənimsənilməmiş sığorta məhsulu – ticarət kreditlərinin sığortası əlavə olunacaq. Bu gün ölkədə milyonlarla vətəndaş kreditlə məişət texnikası, avtomobil, mebel alır. Bu seqmentdə ən böyük sürətli maliyyə dövriyyəsi var. RF-də bu profil mənimsənilib və perspektivli olduğunu göstərib. Nümayəndəliyin filiala çevrilməsi hələ aktual deyil, amma gündəliyə çıxa bilər, deyə Süleymanov bildirib. 

Yerli nümayəndəlik 19 iyunda Maliyyə Nazirliyinin reyestrinə daxil edilib. Hüquqi ünvan belədir: Bakı, Nəsimi rayonu, Dilarə Əliyeva küçəsi, 243, mənzil 33. Qanuni təmsilçi Emin Aslanov. 

Əvvəllər məlumat verdiyimiz kimi, apreldə Dövlət Sığorta Nəzarəti Xidmətinin saytında «Soqlasie» xarici sığorta şirkətlərinin reyestrinə adxil edilib. 

Şirkət 1994-cü ildə yaradılıb. Nizamnamə kapitalı  4,3 mlrd rubldur (100 mln manat). Təkrarsığorta həcmi 3 mlrd 825 mln rubldur. Təkrarsığorta tərəfdaşları Hannover Re, Munich Re, Swiss Re, SCOR və s.dir. 

Şirkətin 700-dən çox məntəqəsi var: Moskvada 88 ofis, 77 filial, 231 agentlik, 171 kənar iş yeri, regionlarda 136 əlavə ofis. --17D—