Subsidiyalar 30 mln manat azaldılıb

24 iyul 2014-cü il tarixdə kənd təsərrüfatı subsidiyaları üzrə Respublika Komissiyasının kənd təsərrüfatı nazirinin müavini İlham Quliyevin sədrliyi ilə keçirilən iclasında 203 min  istehsalçıya 651092,78 hektar əkin sahəsinin becərilməsi üçün 26043711,2 manat məbləğində yardım ayrılması barədə qərar qəbul edilib. Bu, ötən ilkindən 31,3 mln manat azdır.

Subsidiyalar istifadə edilən yanacaq və motor yağlarına görə hər hektar üçün 40 manat verilir. Bu il komissiya 651 092,8 ha üçün vəsait ayırıb. Üç region üzrə materiallar (Abşeron, Mingəçevir, Şuşa) təkrar araşdırılacaq.  

Subsidiyalar 2007-ci ildə yanacaq-sürtkü materialları bahalanandan verilir. Dövlət başçısı İlham Əliyev döfələrlə hökumətdən tələb edib ki, subsidiya mexanizmi təkmilləşdirilsin. Çünki prosesdə mənfi təzahürlər var. Kənd Təsərrüfatı Nazirliyinin rəhbərliyi dəyişəndən sonra verilən subsidiyaların təftişi başladı. Yerli komissiyalar səviyyəsində ciddi maliyyə pozuntuları və oğurluqlar aşkarlandı. Qeyd edtmək kifayətdir ki, 2013-cü ildə Respublika Komissiyası 1 mln 435,1 min ha torpağın becərilməsi üçün 393,7 min subyektə subsidiya ayırıb.

Bu il dövlət büdcəsindən 131 mln manat kənd təsərrüfatı subsidiyaları ayrılması nəzərdə tutulub. Bu məbləğdən buğda və taxıl istehsalı (hekatara 40 manat) və mineral gübrə ticarətçilərinə (qiymətin 50%-i) subsidiya ayrılır. 08D