![Sürücüləri real və kütləvi cərimələyəcəklər](https://turan.az/resized/media/2014/main/030600071629-750-500-resize.webp)
Sürücüləri real və kütləvi cərimələyəcəklər
Milli Məclisin sonuncu iclasında deputatlar İnzibati Xətalar Məcəlləsinə dəyişikliyə səs veriblər. Onlar qaydaları pozan sürücülərə qarşı daha sərt tədbirlər görülməsinin tərəfdarıdır.
İXM-nin 155.2-3 maddəsində əvvəllər nəqliyyat vasitəsinin tam kütləsinin və bu kütlənin oxlar üzrə paylanmasının, ağırlıq mərkəzinin, təkər bazasının və ya təkər düsturunun pozulmasına, yaxud tormoz və sükan idarə sisteminin əvəz olunmasına səbəb olan dəyişikliklər edilməsinə, tormoz sistemi və ya sükan idarə mexanizmi nasaz olan və ya xarici işıq cihazları və ya qabaq şüşənin şüşə silgəcləri və şüşəyuyanları və ya təkərləri və şinləri və ya mühərriyi, yaxud konstruksiyasının digər ünsürləri nasaz olan və belə nasazlığın aradan qaldırılması mümkün olmayan nəqliyyat vasitəsinin istismarına görə cəza nəzərdə tutulurdusa, indi bura digər pozuntular da əlavə edilib. Buraya nasaz işıqlandırma sistemi, şüşətəmizləyən, təkər və şinlərin nasazlığı da əlavə edilib.
Əvvəllər cərimə 315 – 840 manat idi, indi bir pozuntu 50 manat olacaq.
İndi qaydaları pozan sürücülərə SMS bildiriş göndəriləcək. 410-1 maddəyə əsasən, foto və videoqeydiyyat cihazları ilə əldə edilən informasiya məsuliyyətə cəlb etmək üçün kifayət edəcək. 410-1.8-yə əsasən, bu, hüquq-mühafizə orqanlarına çağırış üçün yetərlidir.
391.1-1 maddəsinə əsasən, foto və videoqeydiyyat cihazları Dövlət Yol Müfəttişliyinin mərkəzi informasiya sisteminə inteqrasiya olunmalıdır. --17D—
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz