![TANAP qaz kəməri üzrə hökumətlərarası saziş imzalanmaq üçün hazırdır](https://turan.az/resized/media/2012/main/062200003273-750-500-resize.webp)
TANAP qaz kəməri üzrə hökumətlərarası saziş imzalanmaq üçün hazırdır
Türkiyə ilə Azərbaycan gələn həftə Transanadolu qaz kəməri (TANAP) üzrə hökumətlərarası saziş imzalamağı planlaşdırır. Bu barədə Reuters agentliyinə Türkiyə rəsmiləri bildiriblər.
“İş artıq yekun mərhələdədir, – deyə mənbə bildirib. – Hökumətlərarası sazişin gələn həftə İstanbulda imzalanacağı gözlənilir”. Başqa bir türkiyəli məmur bildirib ki, imzalanma mərasimi iyunun 26-da və ya bir neçə gün sonra Türkiyənin baş naziri Rəcəb Tayyib Ərdoğanla prezident İlham Əliyevin iştirakı ilə ola bilər.
Qeyd edək ki, TANAP boru kəmərinin tikintisi üzrə hökumətlərarası Memorandum 26 dekabr 2011-ci ildə imzalanıb. Sənədə əsasən, kəməri idarə edəcək konsorsiumda 80% ARDNŞ-yə, hərəyə 10% ТРАО və BOTAS-a məxsusdur. Konsorsiuma xarici şirkətlər daxil ola bilərlər, amma pay məsələsini ARDNŞ ilə həll etməlidirlər.
Azərbaycan hökumətindəki danışıqların gedişindən məlumatlı mənbə Turan-a bildirib ki, İstanbulda iki sənəd imzalanacaq:
- Transanadolu qaz kəmərinin tikintisi üzrə hökumətlərarası saziş (bu sənəd qaz kəmərinin çəkilişi üzrə hökumətin prinsip və vəzifələrini müəyyən edir);
- qaz kəməri konsorsiumunun yaradılması barədə kommersiya sazişi (bu sənəd kommersiya fəaliyyəti ilə məşğul olacaq gələcək şirkətin yaradılması üçün hüquqi əsas olacaq).
TANAP kəmərinin uzunluğu 2 min km olacaq. O, başlanğıcını Türkiyənin şərqindən götürəcək və Türkiyənin Bolqarıstan və ya Yunanıstanla sərhədinə kimi uzanacaq. Kəmərin çəkilişinə 2014-cü ilin IV rübündə başlanılacaq və iş 36 aya başa çatacaq. Onun buraxılış qabiliyyəti birinci mıərhələdə 16 mlrd m3, ikincidə 20 mlrd m3 və üçüncü mərhələdə, yəqin, ildə 24 mlrd m3 olacaq.
Qaz kəmərinin tikintisinin birinci mərhələsinin qiyməti $7-8 mlrd qiymətləndirilir. --12B--
-
- Cəmiyyət
- 22 İyun 2012 15:19
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz