"Turanbank" ASC-nin Müşahidə Şurası 28 avqustda növbədənkənar yığıncaqda məcmu kapitalı mərhələli şəkildə Azərbaycan Mərkəzi Bnakının yeni normativlərinə çatdırmaq barədə qərar qəbul edib.
Bankdan verilən məlumata görə, məcmu kapitalı mərhələli artırmaq barədə qərar səhmdarların təsdiqinə verilib. Bu il oktyabrın sonu üçün bankın kapitalı 30 mln manata, gələn il martın sonuna 40 mln manata və 2013-cü ilin sonu üçün 50 mln manata çatdırılacaq. 1 avqust 2012-ci il üçün bankın məcmu kapitalı 27 mln manatdır.
AMB İH-nin bu ilin 25 iyul tarixli qərarına əsasən, mövcud bankların məcmu kapitalına, yeni yaradılanların nizamnamə kapitalına minimal tələb 50 mln manata çatdırılıb. Yeni normativlər 1 yanvar 2014-cü ildən qüvvəyə minir.
2007-ci ilin iyulundan bankların məcmu kapitalına minimal tələb 10 mln manatdır. --15D--
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz