İstanbul-Bakı aviareysinin sərnişini Türkiyə Respublikasının vətəndaşı Hüseyin Ünlü gömrük əməkdaşları tərəfindən saxlanılıb və əl çantasından 160 ədəd, bel çantasından isə 187 ədəd “Nokia” markalı mobil telefonlar aşkar edilib..
Dövlət Gömrük Komitəsinin məlumatına görə, istintaq zamanı Ünlü deyib ki, telefonları Çindən Türkiyə Respublikasına satış məqsədilə gətirib, lakin İstanbulda həmin mallar ölkə ərazisinə buraxılmayıb. Ona görə mobil telefonları bir müddət sonra Çin Xalq Respublikasına aparmaq niyyətindədir. Bakıya necə gəlməsi barədə məlumatda heç nə bildirilmir.
2012-ci ildə vətəndaşlardan ölkəyə gizli yolla keçirilməyə cəhd edilən 13 322 mobil telefon tutulub.
Dövlət Gömrük Komitəsi Gömrük Sahəsində Hüquqpozmalara Qarşı Mübarizə Baş İdarəsində Turan-a deyiblər ki, əgər malın qanunsuz keçirilməsi təsdiqlənərsə, müqəssir malın 30-100%-i məbləğində cərimə ediləcək. Malın qiyməti 4000 manatı keçərsə, cinayət işi qaldırılır və iş istintaq orqanlarına, oradan isə məhkəməyə göndərilir. Təqsir sübut edilərsə, mal dövlətin xeyrinə müsadirə edilir. 08B
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz