«Tütün və tütün məmulatları haqqında» qanun «Reklam haqqında» qanunla uyğunlaşdırılacaq

«Tütün və tütün məmulatları haqqında» qanun «Reklam haqqında» qanunla uyğunlaşdırılacaq.

Milli Məclisin qqrar siyasət komitəsi tütün və tütün məmulatlarının reklamına qadağanı təsdiq etmək niyyətindədir.

Komitə sədri Eldar İbrahimov bildirib ki, qanuna nəzərdə tutan dəyişikliklərin edilməsinə dair təkliflər Milli Məclisə prezident İlham Əliyev tərəfindən göndərilib. Onun sözlərinə görə, təklif olunan dəyişikliklər vətəndaşların sağlam həyat tərzinin təmin olunması və tütün məmulatlarının insanların əhvalına mənfi təsirinin qarşısının alınması məqsədi daşıyır.

"Tütün və tütün məmulatı haqqında" qanuna tütün və tütün məmulatını alanlara hədiyyə qismində digər əmtəənin təklif edilməsinin qadağan olunmasını nəzərdə tutan 20.1.5-ci maddənin daxil edilməsi təklif olunur.
Qanunun 20.2-ci maddəsinə təklif olunan dəyişikliyə əsasən, tütün və tütn məmulatının və onun ləvazimatlarının, o cümlədən tənbəki çubuqlarının, qəlyanların, elektron siqaretlərin, siqaret kağızlarının, alışqanların reklamı qadağan olunur. Həmçinin təklif edilən digər dəyişikliyə əsasən, tütün və tütün məmulatı istehsalı və ya satışı ilə məşğul olan şəxslər sponsor ola bilməzlər.

Xatırladaq ki, «İnzibati Xətalar Məcəlləsinə edilən dəyişikliklərə əsasən, müəssisələrdə, idarələrdə, təşkilatlarda siqaret çəkmək üçün xüsusi yerlərin ayrılmasının və görünən yerlərdə "siqaret çəkmək qadağandır" xəbərdarlıq yazısının və ya işarəsinin olmasının təmin edilməməsinə görə vəzifəli şəxslər 400 manat məbləğində, hüquqi şəxslər 1000 manat məbləğində cərimə edilir. Bundan başqa, təyyarədə siqaret çəkilməsinə görə cərimə 100 manat, qatarda – 40 manat, metroda – 50 manat, ictimai nəqliyyatda isə 40-50 manat məbləğində nəzərdə tutulub. “Ancaq qanun qəbul olunsa da, icra edilmir», - deyə komitə sədri əlavə edib.

Müzakirələrin yekunları üzrə dəyişikliklər parlamentin plenar iclasına tövsiyə olunub --17D—