Yanvar-oktyabrda yerli bazarda mükafat və ödənişlər barədə informasiya açıqlanıb.
Azərbaycanın sığorta bazarı bu dövrdə 282 mln 143,74 min manat yığıb. Bu, ötən ilin eyni dövründəkindən 103,4 mln manat çoxdur. Cəmi 75 mln 464,08 min manat sığorta ödənişi edilib. Bu, ötən ilin eyni dövründəkindən 26,9 mln çoxdur.
Yanvarda proqnozlaşdırıldığı kimi, "Paşa Sığorta" 10 ayda liderliyi əldən verməyib. O, 38 mln 480,66 min manat və ya mükafatların 13,6%-i toplayıb. Bunun 20 mln-u yanvarda ARDNŞ ilə könüllü tibbi sığorta üzrə müqavilə əsasında əldə edilib. Ötən il noyabrın 1-i üçün şirkət 9,5 mln-la 8-ci yerdə idi. Ekspertlərin fikrincə, çempionluq bu şirkətin olacaq.
“AzSığorta” 33 mln 150,95 min manat mükafatla ikinci yerə qalxıb. Bu, ötən ilin eyni dövründəkindən 2 dəfə çoxdur. Əgər yanvarda liderlə iddiaçı arasında fərq 19 mln manat idisə, indi 5 mln-dur.
"Atəşgah" yenə üçüncüdür və 30 mln 487,74 min manat mükafat yığıb. Bu üçlük bütün mükafatların 36,2%-i toplayıb.
“AzərSığorta” dövlət sığorta şirkəti sürət yığıb və üçlüyə can atır. Onun arsenalında icbari sığorta növləri olsa da, bunlar kömək etməyəcək. Şirkət cəmi 25 mln 447,05 min manat toplayıb. Bu, ötən ilin 10 ayının “çempion” göstəricisindən 5 mln manat çoxdur.
Beşinci yerdə "Standard Insurance"dır (18 mln 299,81 min manat).
Altıncı yerdə АХА MBASK qərarlaşıb. Onun 15 mln 607,43 min manat mükafatının çoxu avtomobillərin КАСКО sığortası və avtonəqliyyat vasitələri sahiblərinin mülki məsuliyyətinin sığortası üzrədir.
Yeddinci yerdə həyat sığortası üzrə ən yaxşı şirkət olan "Atəşgah Həyat" gəlir. O, 14 mln 474,2 min manat mükafat yığıb.
Beynəlxalq Sığorta Şirkəti 8-ci yerə qalxıb (12 mln 603,55 min manat). Ötən ilin eyni dövründə bu şirkətin nəticəsi 2 mln manat az, mövqeyi 3 pillə yüksək idi.
Doqquzuncu yerə “Paşa həyat Sığorta”dır (12 mln 458,68 min manat).
Xalq Sığorta 11 mln 207,78 min manatla onluğu qapayır.
Ödənişlərdə də "Paşa Sığorta" liderdir - 18 mln 585,36 min manat (bütün ödənişlərin 24,6%-i). “AzərSığorta” 9,46 mln, "Atəşgah" 7,5 mln ödəniş edib.
* Bütün nəticələr Dövlət Sığorta Nəzarəti Xidmətinə istinadən verilir. --17D—
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz