Avstraliyanın Uorli Parsons şirkəti 11,7 mlrd. dollar dəyərindəki Türkiyə və Yunanıstandan keçəcək Trans Anadolu qaz kəməri layihəsinin tikintisi müqaviləsinin qalibi olub.
Şirkət avadanlıq tədarükü və inşaatın idarə edilməsini nəzərdə tutan beşillik layihəni qazanıb.
İşlərə layihənin idarə edilməsi, əlaqələndirmə, planlaşdırma, layihələndirmə, mühəndislik işləri, inşaatın idarə edilməsi, müqavilələrin bağlanması, alışlar, nəzarət və digər xidmətlər daxildir.
Boru kəməri Xəzər qazının Gürcüstan-Türkiyə sərhədindən Türkiyənin Yunanıstanla qərb sərhədinə qədər çatdırılması məqsədilə işlənib hazırlanıb.
Uorli Parsons layihənin dəyərini açıqlamır, amma xərclərin “mürəkkəb texnoloji layihələrdən xeyli aşağı” olacağını bildirib.
Amerikanın Bechtel şirkəti və onun yerli tərəfdaşı Enka boru kəmərinin texniki planlarının hazırlığını başa çatdırmaq üzrədir.
TANAP-ın inkişafında pay iştirakı aşağıdakı kimidir: SOCAR – 68%, TPAO – 20% və BP – 12%. Xəbəri upstreamonline.com saytı yayıb. - 12D-
İqtisadiyyat
-
Azərbaycanın İqtisadiyyat Naziri Mikayıl Cabbarov, ABŞ-ın Beynəlxalq Ticarət Administrasiyasının İstehsalat üzrə Müavini Heather Evans ilə görüş keçirərək enerji, ticarət və yaşıl inkişaf sahələrində ikitərəfli əlaqələrin genişləndirilməsi mövzusunda müzakirələr apardı.
-
445 MVt gücündə Biləsuvar günəş elektrik stansiyasının və 315 MVt gücündə Neftçala günəş elektrik stansiyasının tikintisi üçün maliyyələşmə prosesinin uğurla başa çatdığı bildirilib.
-
Avropa Komissiyası Azərbaycanın Avropaya qaz tədarükünü artırmasını Aİ-nin enerji təhlükəsizliyinin təmin edilməsi üçün çox faydalı alternativ mənbə kimi qiymətləndirir, deyə Avropa İttifaqının Enerji Komissarı Kadri Simson Bakıdakı COP29 tədbiri zamanı Turan-a verdiyi eksklüziv müsahibədə bildirib.
-
Bu ilin əvvəlində Qlobal Neft və Qaz Metan Tərəfdaşlığı 2.0 (OGMP 2.0) platformasına qoşulan Azərbaycan Dövlət Neft Şirkəti (SOCAR), COP29 çərçivəsində 15 noyabrda "Yaşıl Zona"da “OGMP 2.0 Liderlər Forumu”na ev sahibliyi etdi. Tədbir neft-qaz sənayesində metan emissiyalarının azaldılması sahəsində irəliləyiş və perspektivləri müzakirə etmək üçün əsas tərəfdaşları bir araya topladı.
Rəy yaz