Vergi borcuna görə həbslər başlayıb
Vergilər Nazirliyi Ədliyyə Nazirliyi ilə ilk dəfə dövlət büdcəsinə borcunu vaxtında ödəməyən vergi ödəyicilərinə qarşı kəskin inzibati tədbirlərə əl atıb.
Vergilər Nazirliyi hesab edir ki, bu tədbirlərin tətbiqi vergi ödəyicilərində məsuliyyət hissinin artırılmasına və onların gələcəkdə vergi qanunvericiliyini pozmaqdan çəkinmələrinə səbəb olacaq.
Vergilər Nazirliyinin analitik-informasiya şöbəsinin məlumatında deyilir ki, dövlət büdcəsinə yaranmış borc məbləğlərini vaxtında ödəmədiklərinə görə Binəqədi rayon Məhkəməsinin 9 oktyabr tarixli qərarları ilə vergi ödəyiciləri Ağayev Habil 5 gün, Əsgərov Rövşən 3 gün müddətində inzibati qaydada həbs olunub.
İnzibati Xətalar Məcəlləsinin 313-1-ci maddəsinə əsasən, məhkəmə və digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə görə fiziki şəxslərə işin hallarına görə, pozuntunu törədənin şəxsiyyəti nəzərə alınmaqla bir ayadək müddətə inzibati həbs tətbiq oluna bilər.
Xatırladaq ki, bu yaxınlarda Vergilər Nazirliyinin məcburi vergi yığımı üzrə yerli strukturları Vergi Cinayətlərinin İbtidai Araşdırılması Departamentinə tabe edilib. Vergilərin vaxtında ödənilməməsi və qanunla müəyyən edilən vaxtda vergidən yayınma vergi cinayəti kimi qəbul edilə bilər.
Bu il iqtisadi durğunluqla bağlı vergi xidməti vergi yığımı üzrə proqnozun icrasında çətinlik çəkir. İlin əvvəlindən yığılmayan vergilərin həcmi 200 mln manatdan çoxdur. --08B—
-
- İqtisadiyyat
- 14 Oktyabr 2015 13:14
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz