Azərbaycan Avropa İnvestisiya Bankı ilə iki istiqamətdə əməkdaşlığın inkişafını mümkün sayır: Kənd Təsərrüfatı Nazirliyi tərəfindən hazırlanan layihələrə və nazirliyin vasitəsilə özəl sektora dəstək vermək.
Nazir Heydər Əsədov Avropa İnvestisiya Bankının vitse-prezidenti Laszlo Baranyayın rəhbərlik etdiyi nümayəndə heyəti ilə görüşdə belə deyib.
Nazir Azərbaycan üçün prioritet sahələr kimi hibrid qarğıdalı toxumunun istehsalı və əhaliyə çatdırılması, özəl sektorda emal müəssisələrinin yaradılması, yeni suvarma sistemləri avadanlıqlarının quraşdırılması, böyük heyvandarlıq komplekslərində süd emalı müəssisələrinin yaradılması təkliflərini irəli sürüb.
Avropa İnvestisiya Bankının vitse-prezidenti Laszlo Baranyay Azərbaycanda kənd təsərrüfatının inkişafı üçün böyük potensialın olduğunu diqqətə çatdırıb. O bildirib ki, ayrılan kreditlərin uzunmüddətli olacaq, dövlət zəmanəti tələb edilməyəcək.
Mümkün kredit həcmi barədə məlumat verilmir.
Avropa İnvestisiya Bankı dünyanın ən böyük, hətta Db-dan da böyük kredit təşkilatıdır. Onun kredit portfeli 72 mlrd avrodur (2010-cu il).
EIB Aİ və onun hüdudlarından kənarda maliyyə sahəsinin inkişafında mühüm rol oynayır. Amma bank investisiyalarının ekoloji və sosial aspektlərinə laqeydlik göstərir, ictimaiyyətə çox həvəssiz informasiya verir, layihələrin səmərəli monitorinqi üçün ştatı çox azdır.
Mərkəzi və Şərqi Avropadan müxtəlif QHT-ləri birləşdirən «Benkvoç» (CEE Bankwatch Network) şəbəkəsi AIB-i öz ”Aİ bankı” adını doğrultmağa, şəffaf və hesabatlı olmağa, təkcə mənfəətə yox, ətraf və sosial mühitə diqqət yetirməyə çağırıb. --08D--
İqtisadiyyat
-
Elon Mask, ABŞ Dövlət İdarəetməsinin Effektivliyi Departamentinin (DOGE) həmsədri olaraq, 2026-cı ilə qədər federal xərclərin aqressiv şəkildə azaldılması yolu ilə ABŞ-da inflyasiyanı sıfıra endirmək üçün strategiya irəli sürüb. Maskı planı, proqnozlaşdırılan gündəlik xərcləri təxminən 4 milyard dollar azaltmağı hədəfləyir və 2026-cı ilə qədər federal büdcə kəsirini 1 trilyon dollara qədər endirməyi nəzərdə tutur. Kəsir hələ də böyük olsa da, Musk hesab edir ki, sürətləndirilmiş iqtisadi artım inflyasiya təzyiqlərini kompensasiya edərək iqtisadiyyatı sabitləşdirə bilər.
-
Azərbaycan Dövlət Neft Şirkəti (SOCAR) Aralıq dənizinin ən iri dəniz yataqlarından biri olan Tamar qaz yatağında 10% pay əldə etmək üçün Union Energy ilə müqavilə imzalayıb, şirkət çərşənbə günü bəyanatında bildirib.
-
Yanvarın 30-da Azərbaycan Prezidenti İlham Əliyev “Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025–2030-cu illər üçün Dövlət Proqramını” təsdiqləyən sərəncam imzalayıb. Bu proqram paytaxtın nəqliyyat sistemini modernləşdirməyi və tıxacları azaltmağı hədəfləyir, prezidentin mətbuat xidməti çərşənbə axşamı bildirib.
-
Goldman Sachs neft qiymətləri ilə bağlı proqnozlarını yenidən nəzərdən keçirib və 2025 və 2026-cı illər üçün Brent və Azeri Light markalı neftin qiymət proqnozlarını hər barel üçün 2 dollar artıraraq 78 dollar səviyyəsinə çatdırıb. Bu düzəliş, ABŞ sanksiyalarının Rusiyanın neft hasilatına təsiri və İran neft ixracına qarşı mümkün gələcək məhdudiyyətlər daxil olmaqla, geosiyasi risklərdən qaynaqlanan daha sərt təchizat şərtləri gözləntilərini əks etdirir.
Rəy yaz