Birinci rübdə Vergilər Nazirliyinin xətti ilə dövlət büdcəsinə 1 523,4 mln manat köçürülüb. Bu, 2012-ci ilin eyni dövründəkindən 9,5% çoxdur.
Vergilər Nazirliyinin məlumatında deyilir ki, qeyri-neft-qaz sektoru üzrə büdcəyə 839 milyon 183,9 min manat vəsait daxil olub. Bu, vəsaitlərin 55%-dir. Ötən ilin eyni dövrü ilə müqayisədə qeyri-neft sektorundan büdcəyə vergi daxilolmaları 48 mln manat artıb. Maraqlıdır ki, 2012-ci ilin I rübündə qeyri-neft sektorun vergi daxilolmalarında xüsusi çəkisi 57% olub.
2013-cü ilin yanvar-mart aylarında vergi daxilmalarının 36,1 faizi (2012-ci ilin I rübündə 35%) mənfəət vergisinin, 24,8 faizi (25,6%) əlavə dəyər vergisinin, 12,7 faizi (12,7%) fiziki şəxslərin gəlir vergisinin, 8,3 faizi aksizlərin, 18,1 faizi (18,8%) isə digər vergilərin payına düşüb. 08D
İqtisadiyyat
-
Azərbaycan 27 noyabr 2024-cü ildə verilmiş prezident fərmanına əsasən, azad edilmiş ərazilərdə kənd təsərrüfatı torpaqlarının icarəyə verilməsini sadələşdirmək, investisiyaları cəlb etmək və kənd təsərrüfatının məhsuldarlığını artırmaq məqsədilə yeni qaydalar tətbiq edib.
-
Asiya İnkişaf Bankı (AIB) Azərbaycan pərakəndə ticarət sektorunu dəstəkləmək üçün 10,5 milyon dollar ayırdı və bu, ölkənin iqtisadi modernləşməsinə davamlı dəstəyində növbəti addım oldu. Bu investisiyalar Azərbaycanın iqtisadiyyatını şaxələndirmək və dayanıqlı inkişafın əsas sütunlarından biri olan kiçik və orta sahibkarlığı (KOS) gücləndirmək istiqamətində daha geniş məqsədlərinə uyğun gəlir.
-
Bu gün Milli Məclisin iclasında Azərbaycanın deputatları 2025-ci il üçün minimum yaşayış səviyyəsinin artırılmasını nəzərdə tutan qanun layihəsini birinci oxunuşda müzakirə edib və təsdiqləyiblər. Yenilənmiş rəqəmlər 10 manatlıq mülayim artımı əks etdirir və ölkə üzrə yaşayış minimumu 285 manat olaraq müəyyən edilib. Xüsusi əhali qrupları üçün bu göstəricilər 305 manat (işləyən əhali üçün), 232 manat (pensionerlər üçün) və 246 manat (uşaqlar üçün) təşkil edir. Eyni iclasda gələn il üçün ehtiyac meyarı da 285 manat məbləğində təsdiq edilib ki, bu da milli yaşayış minimumu ilə eyni səviyyədədir.
-
Bu il Avstraliyanın Fortescue Future Industries (FFI) holdinqinin Azərbaycanda "yaşıl" layihələrin inkişafına dair planları yenidən tənzimlənib, lakin iki il əvvəl başlayan danışıqlar davam edir, Turan-a məlumatlı mənbə bildirib.
Rəy yaz